Алло, вашке полыш?

Алло, вашке полыш?

«Вашке полышым» арам огыл медицинын ончыл радамжылан шотлат. Шукыж годым лач «вашке полышышто» ыштыше е‰-вакын усталыкышт дечын э‰гекыш логалше е‰ын тазалыкше веле огыл, илышыжат шога.

Нине е‰-влак шукыж годым экстремальный, манаш лиеш, условийыште пашам ыштат. Нунылан, йўд ма, кечывал ма, лум ден лавырам, йўр ден пораным ончыде, э‰гекыш логалше але кенета нелын черланыше е‰-влаклан полшаш торасе изи ялысе пєртышкє, корнышко, уремышке але дачышке каяш перна.

Е‰-влаклан 03 телефон дене могай амаллан кєра йы‰гыртыман? Кунам поликлинникышке приемышко кайыман? Нине да моло йодыш-влаклан мыланна вашке полыш отделенийын старший фельдшерже Т. Манаева вашештыш.

- Татьяна Владиславовна, ондак шкендан коллективда дене палдарыза.

- Районыштына кок вашке полыш бригада пашам ышта: Чорай ялыште да Мишкан селаште. Кажне бригадыште ныл фельдшер, вич медсестра да ныл водитель дене пашам ыштат. Тыгак «А» классан кок автомобиль ден «Б» классан кок автомобиль улыт. Мишкан селасе фельдшер-влак: Т. Манаева, В. Яваев, Ю. Капеева, В. Зайцева; водитель-влак: В. Иванов, В. Шамиданов, Р. Султаншин, Х. Абхаликов; медсестра-влак: С. Мазитова, М. Айгузина, А. Иванова, Л. Бакрадзе, А. Имаева. Нунын кокла гыч ятырже ынде кугу опытан пашае‰ улеш.

- «Вашке полыш» кєм обслуживатла?

- «Вашке полыш» тугай е‰-влаклан полша, кудыштлан полышым юватылде ончыкташ кўлеш, писын полышым ончыкташ огыл гын, нуно але колен, але инвалид лийын кодын кертыт. Эн ончыч, корно-транспортный происшествийлаште, пожарыште але моло э‰гек лийме годым сусыргышо-влак. Айдемым инфаркт сўмырен гынат, «Вашке полыш» полшаш мийышаш. Кид ден йол кенета пашам ыштымым чарненыт гын, тыгак «Вашке полышыш» йы‰гыртыман. Тыгак сознанийым йомдарыше е‰ым ужмо годым 03 телефон дене увертарыман.

Мўшкыран-влакын тазалыкышт лушкыдемме, азам ышташ тў‰алмышт годымат йы‰гырташ кўлеш. Моло амал дене «Вашке полышыш» йы‰гыртыман огыл.

- А чынжым сўрет могайрак?

- Умылтарем. Ик илалше ўдырамаш ынде ятыр ий орлана – тудын давленийже «модеш». Вуйжо корштымылан кєра цитрамоным йўеш, а тудет гипертоник-влаклан моткоч лўдыкшє улеш. Вуйжо уэшын коршташ тў‰алмылан кєра, тиде ўдырамаш давленийжым виса, кугу улмыжым рашемда, кроватьыш шуйнен возеш да «Вашке полышым» ўжеш. Тыгак «Вашке полышым» вуй корштымо, температур нєлталалтме, нервный стресс годым ўжыт.

Но тыгай е‰-влак текшырымашым поликлиникыште плановый радам дене эртышаш улыт, нунылан «Вашке полышым» ўжман огыл.

- «Вашке полышын» медикше-влак эмлалтмашым назначитлен кертыт але уке?

- Эмлалтмашым назначитлымаш мемнан пашана огыл, вет эмым прописатлыше черлын эмлалтмыжым эскерышаш, кўлеш гын, вашталтышым пуртышаш, а ме пациентым икана веле ужына, манаш лиеш. Тидлан кєра тумбочка ден шкафыште аралалтше эм-влакым коклан гына, айдемын чонжым лушташ да кумылжым нєлталаш манын, ончалына.

- Ик кечылан тендан деке мыняр гана да могай амал-влак дене йы‰гыртат?

- Ик кечылан 15 але утларак вызов пура. Утларакшым, конешне, давлений «модмылан» кєра йы‰гыртат. Мемнан дечын гипертоний дене орланыше коча ден кувава-влак полышым йодыт. Нуныланат полшыде ок лий. Йоча-влак нелын черланат гын, виклан миена. Коклан южо е‰ кид-йолжым пўчкеш, кылмыкта, йўлата але моло э‰гек лиеш.

- «Вашке полышышто» могай эн кугу ситыдымаш уло?

- Пашае‰-влак ситыдымаш. Мыланна фельдшер-влак огыт сите, пашадар кугу огыллан кєра самырык специалист-влак мемнан деке толаш огыт вашке. Тидлан кєра ик сутка огыл, а икмыняр сутка почела пашам ышташ перна. «Вашке полыш» персонал дене мутланымеке, мый шкаланем рашемдышым: нине е‰-влак чыланат кўртньє нерван, пе‰гыдын чытышан, поро кумылан улыт. Вет

моло е‰ тыгай пашам ыштен ок керт.

Венера АГЛЯМОВА.