+20 °С
Облачно
Увер
31 Декабря 2020, 21:00
Ачана дене кугешнена
Шочмо элым аралымаш – кажне пӧръеҥын порысыжо. Тиде порысым чыланат шутышаш улыт. Мемнан ачанат - Ростов Салихович Нарифьянов - тудым тӱрыснек шуктен. Южо еҥым, очыни, ачанан лӱмжӧ чылт ӧрыктара. Тыгай лўмым тудлан ачаже – мемнан кочана пуен.
Ачана дене кугешнена
А кочана, Салих Шарифьянович Шарифьянов, Кугу Отечественный сарыште Ростов-на-Дону ола воктене кредалын. Тудо шучко сар гыч
илыше пӧртылын. Пєртылмекыже, икымше икшывыжлан Ростов лӱмым пуен. А эн изи эргыжлан – Дон лӱмым. Тачысе кечылан 11 икшыве гыч ачана ден Дон шольыжо коктын гына илыше кодыныт.
Ынде ачана нерген. Кугу Шаде ялысе школым тунем пытарымеке, 1966 ий 12 январьыште ачана армийыш каен. Тудо 3 ий Амур областьыште, Белогорск олаште служитлен. Ту жапыште Китай дене сар тӱҥалме лӱдыкшӧ кугу лийын, сандене салтак-влакым чот ямдыленыт.
Но ачана ден йолташыже-влак нимогай нелылык дечын лӱдын огытыл да шочмо элнам пеҥгыдын аралаш ямде лийыныт.
Сайын служитлаш тыгак шочмо кундем гыч мийыше шокшо серыш-влак кумылаҥденыт.
- Армийысе служба мемнам шуарен да шочмо элнам йӧраташ, аклаш туныктен. Ме тудын верч лӱдде кредалаш ямде лийынна, - кугешнен
ойла ачана.
Совет Армийыште служитлымеке, ачана шочмо Калмазан ялышке пєртылын. Водительлан тунеммеке, «Шаде» колхозышто ышташ тӱҥалын. 1977 ийыште ончыкылык пелашыже, мемнан авана Факия Гильфановам вашлийын. Нуно ынде 42 ий пырля илат.
Кызыт ачана пенсийыште улеш. Йӧн дене пайдаланен, ме, ӱдыржӧ, веҥыже, уныкаже-влак, тудым Отечествым аралышын кечыж дене саламлена! Пеҥгыде тазалыкым, еш суапым, кужу ӱмырым тыланена.
Р. ШАРИФЬЯНОВА.
