А ну-ка, рвезе-влак!

А ну-ка, рвезе-влак!

Пайремыш толшо-влакым чылаштымат, поснак – пӧръеҥ-влакым, верысе сельсовет сельский поселений администраций вуйлатыше

С. Саликов шокшын саламлен. Тылеч вара «А ну-ка, рвезе-влак!» мероприятий тӱҥалын. Тиде кечын сеҥымаш верч «Титаник» (командын капитанже агропромышленный колледжын студентше С. Осипов) ден «Дружба» (командын капитанже Изи Накаряк ялысе школышто тунемше Ш. Байназов) команда-влак таҥасеныт. Пайрем касын программыже оҥай да поян лийын. Команда-влак вийышт ден

чолгалыкыштым ончыктеныт, пӱсӧ йодыш-влаклан вашмутым пуеныт, викториныште уш-акылыштым тергеныт.

Но эн неле конкурс «Йӧратыме ӱдыр дене мутланымаш» лийын. Тушто рвезе-влаклан, ныжыл шомакым муын, ӱдырын кумылжым савырен мошташ кӱлын. Рвезе-влак тиде конкурсыштат ӧрмалген огытыл.

Сурт паша заданийыште команда-влаклан художественный номерым ончыкташ кӱлын. Тыштат команда-влак заданийым сайын шуктеныт.

Пайрем касым методист Е. Салмияров вӱден.

Венера АГЛЯМОВА.