«2019 ийысе эн сай туныктышо»

«2019 ийысе эн сай туныктышо»

Районыштына тиде конкурс уже 20 утла ий эрта. Тушто вийыштым тергаш кумылан туныктышо-влакын чотышт идалык еда артен толеш.

Тений усталыкше ден вийжым 26 туныктышо терген. Нунын коклаште ятыр самырык еҥ лийын. Тиде куандара. Виш урок да внеклассный мероприятий-влак, эссем возымо деч вара конкурсын финальный ужашышкыже 7 туныктышо лектын. Изишак нунын дене палдарена.

Чорай ялысе Я. Ялкайн лӱмеш марий гимназийын чапшым Анжела Чаплыгина арален. Тудын паша стажше 12 ий. Туныктышо тӱҥ пашаж деч посна сад-пакчасе пашам ышташ, кочкаш шолташ, ургаш-пидаш йӧрата.

Кемий школ гыч конкурсышто руш йылме да литературым туныктышо Галина Ашиева участвоватлен. Тудын паша стажше кугу - 34 ий. Галина Яковлевна мураш уста, поэзийым, театрым, волейбол, баскетбол дене модаш йӧрата. Икманаш, интересше шуко.

Кўрзе ялысе школын чапшым тӱҥалтыш класслаште туныктышо Галина Ишмаева арален. А изи йоча-влакым туныктышо, эреат

туныктышо веле огыл, тыгак артистат, художникат, спортсменат, «кокымшо ават» улеш. Г. Ишмаева яра жапыштыже декоративный

пеледыш-влакым кушта, ече дене коштеш. Йоча-влакымат нине паша-влаклан кумылын туныкта.

Кугу Шаде ялысе школышто пошкырт йылме да литературым туныктышо Инзиля Ситдикова эн самырык конкурсант лийын. Тудо школышто кок ият пеле веле ышта. Туге гынат, конкурсышто моло туныктышо деч шеҥгелан кодын огыл.

Вес конкурсант – Ирина Аликаева 2 №-ан Мишкан кыдалаш школышто англичан йылмым туныкта. Тудын паша стажше 7 ий. И.

Аликаева идалыкын открытийже лийын манын кертына. Туныктышо англичан йылмым пеш сайын пала, сценыште шкенжым устан

куча.

Нерге ялысе школышто физика ден математикым туныктышо Алена Юмаеванат интересше-влак шуко улыт улмаш. Икманаш, тиде

туныктышо сай сурт озавате, спортсменка да уста тунытышо улеш. Самырык улеш гынат, А. Юмаева пашаштыже изи огыл сеҥымашыш

шуын, йоча-влакынат, ача-ава-влакынат кумылыштым савырен кертын.

Корак ялысе школ гыч конкурсышто «Идылыкын туныктышыжо» лӱм верч тӱҥалтыш класслаште туныктышо Ольга Шамуратова кучедалын. Тудо йоча-влакым ынде 23 ий туныкта. Шкенжын икшывыже-влакым тудо пеледыш семын онча да тыршен туныкта.

Эн ончычак мутым районысо образований отделым вуйлатыше С. Александровлан пуымо. Тудо конкурсант-влакым финалыш лекме дене саламлен да сайын выступатлаш тыланен.

Мероприятийын участникше-влакым тыгак 2017 ийыште районышто тыгай конкурсышто сеҥыше, 2018 ийыште республиканский конкурсышто «Профессийлан ўшанле» номинацийыште ойыртемалтше туныктышо В. Шамаева саламлен.

- Кажныда уже сеҥыше улеш, вет те выступатлаш лӱдын огыдал да район кӱкшытыштӧ мастарлыкдам ончыкташ вийым муында. Тек

пашада куаным конда, уста, талантан, ушан тунемше-влакым тыланем, - каласен Ирина Витальевна.

Конкурсант-влак сценыште кок тӱрлӧ конкурсышто гына таҥасеныт: визитный карточка да мастер-класс. Вик ойлаш гын, чыланат икгай кӱкшытыштӧ лийыныт манаш лиеш. Но эн сай-влак коклаштат изишак ойыртемалтше-влак садак лектыт. Лач нунын нергенак утларак каласен кодымо шуэш. Мыйын шонымаште, визитный карточка конкурсышто Ирина Аликаева, Анжела Чаплыгина, Инзиля Ситдикова чолгарак лийыныт.

Кызыт мастер-класс-влак «Эн сай туныктышо» конкурсышто тӱҥ верым налыт. Нуно ончышо-влаклан моткоч оҥай, умылаш лийше

лийыныт. Мутлан, мый але мартеат шикарын шулымыжо, чайын йӱкшымыжӧ, пӧртыштӧ шокшын коштмыжо физический явлений

улыт манын нигунам шонен омыл ыле (А. Юмаев. «Физика за чаем»). А икмыняр минутышто матрешкымышташ да тудлан марла тувырым чикташ лиеш мо? Лиеш улмаш.

Тидым А. Чаплыгина ончыктен. А те паледа, мо тугай «Ромашка Блума» (А. Ситдикова). Тиде критический шонымаш улмаш. Тудо

йоча-влакым колышташ, колаш, ойлымо йылмым вияҥдаш туныкта, поснак изирак класслаште, модмо технологий улеш. Англичан йылмым кузе сайын туныкташ? Тидлан модмо технологий полша улмаш, поснак изирак класслаште. Лач тидым И. Аликаева шкенжын мастер-классыштыже ончыктен.

Теве конкурс мучашке шуын. Жюри член-влак приговорым лукташ да эн тӱҥ титаканым муаш каеныт. Тиде жапыште районысо

Культура дворецын артистше-влак И. Аликаева, О. Мусалина сылне мурышт дене, Н. Бабичев ямле семже дене ончышо-влакым куандареныт.

Конкурсым иктешлаш сценышке образований отделым вуйлатыше Сергей Александров ден район администраций вуйлатышын

заместительже Лариса Александрова лектыныт. Результат тыгай: О. Шамуратова «Чонем йоча-влаклан пуэм» номинацийыште,

Г. Ишмаева «Пашам творчески ыштыше туныктышо», И. Ситдикова «Самырык туныктышо» да«Пошкырт йылме ден литературымэн сай туныктышо», А. Юмаева «Урок - мастарлык кӱкшыт» номинацийлаште сеҥеныт. А. Чаплыгина 28 баллым поген, кумшо верым налын, Г. Ашиева 28,4 балл дене кокымшо лийын. «2019 ийысе эн сай туныктышо» лўмым 2 №-ан Мишкан кыдалаш школышто англичан йылмым туныктышо Ирина Аликаева налын.

Венера АГЛЯМОВА.