+27 °С
Ясно
Увер
31 Декабря 2020, 21:00
2019 ийысе эн сай педагог
Март мучаште Уфа оласе Культура дворецыште «2019 ийысе эн сай туныктышо» республиканский профессиональныйконкурсым петырымаш да «Пошкырт йылмым да литературым туныктышо - 2019» 24-ше межрегиональный конкурс эртеныт.
2019 ийысе эн сай туныктышо
«Идалыкын туныктышыжо» - самырык, тӱрлӧ предметым туныктышо, чолга да уста туныктышо-влакым чумыра. Педагог - тиде профессий гына огыл, а призваний. Йоча могай лиеш - тудын илыш корныш лекме жапыштыже могай туныктышо кидыш логалеш, тугай айдемыш савырна.
Тений «2019 ийыште Башкортостаныште эн сай туныктышо» конкурсышто Нерге кыдалаш школ гыч пошкырт йылмым да
литературым туныктышо Резеда Шарифьянова ден физикым да информатикым туныктышо Алена Юмаева участвоватленыт.
Коктынат конкурсын чыла этапыштыжат кӱкшӧ мастарлыкым ончыктеныт.
«2019 ийыште Башкортостаныште эн сай туныктышо» лўмым налшаш верч 62 туныктышо участвоватлен, а «Самырык туныктышо - 2019» лўм верч 37 самырык туныктышо таҥасен. «2019 ийыште Башкортостаныште эн сай туныктышо» конкурс кок этап гыч шоген: заочный да очный. «Интернет-ресурс» заочный тур 1 гыч 7 март марте эртен. Тудын цельже - педагогын профессиональный мастарлыкшым нӧлталмаште информационно-коммуникационный технологийым кучылтмашым рашемдымаш.
Шке профессиональный мастарлыкым ончыктышашлан 11 гыч 15 март марте конкурсант-влак урок-влакым эртареныт. Кокымшо (очный) тур кок конкурс гыч шоген: «Мый - туныктышо» эссе да «Мастер класс».
20 мартыште заочный, очный икымше да кокымшо турын лектышыжым иктешленыт да конкурсный марафонын кумшо турышкыжо логалшаш еҥ-влакым палемденыт. Пошкырт йылмым да литературым туныктышо Резеда Ростововналан «Пошкырт йылмым да литературым туныктышо - 2019» конкурсын участникше дипломым кучыктымо.
А Алена Алексеевна «Мастер классым», «Урокым» да «Класс шагатым» сайын эртарен да «Педагогическая надежда» номинацийыште сеҥен. Саламлена!
В. АГЛЯМОВА, (Нерге школ гыч колтымо материал негызеш ямдылыме).
