+13 °С
Ясно
Увер
31 Декабря 2020, 21:00
2019 ийлан йоча-влакын канышыштлан йодмаш-влак налылтыт
Районысо организаций ден предприятий вуйлатыше-влаклан
2019 ийлан йоча-влакын канышыштлан йодмаш-влак налылтыт
Йоча-влакын канышыштым организоватлымылан вуйын шогышо районысо образований отдел 2019 ийлан йоча-влакын канышыштым организоватлыме йодмаш кампаний умбакыже шуйнымо нерген увертара.
Организаций-влаклан палемдыме форма дене (тудо образований отделын сайтыштыже «Отдых детей» ужашыште вераҥдалтын) пуышаш улыт. Йодмаш-влак организаций, учреждений-влак деч, могай ведомствыш пурымым ончыде, тыгак индивидуальный предприниматель-влак деч налылтыт.
Ушештарена, БР правительствын 2014 ий 1 декабрьысе 552 №-ан пунчалже дене 2018 ий 1 май гыч «Единая система учета детей и подростков Республики Башкортостан, нуждающихся и пользующихся услугами в сфере отдыха и оздоровления» государственный информационный система (ГИС) ышталтын.
Сотрудник-влакын икшывыштлан канышым организоватлымылан вуйын шогышо-влакым ГИС-ыш ушнаш йодына (http:// rest/ edu-rb.ru), тушко предприятий нерген уверым да сотрудник-влакын икшывыштын данныйыштым пурташ кӱлеш.
Кажне организаций, предприятий, ИП шке семын але районысо образований отдел гоч тушко регистрироватлалт кертеш. Пелен партнерын картше лийшаш.
Ешартыш уверым районысо образований отделыште налаш лиеш. Адрес: Мишкан села, Ленин урем, 85. Телефон 2-10-83, электронный почта letniyotdyh@mail.ru. Йоча-влакын канышыштым организоватлыше координар Килинбаева Алена Семеновна.
