+34 °С
Ясно
Увер
31 Декабря 2020, 21:00
2018 ийыште Башкортостан Республикыште тынар эрге ден ӱдыр шочыныт
Башкортостан Республикыште 2018 ийыште 22807 ӱдыр да 24264 эрге шочыныт. Тидын нерген «Башинформ» агенствылан республикысе Юстиций паша шотышто госкомитетын пресс-службыштыжо увертареныт.
2018 ийыште Башкортостан Республикыште тынар эрге ден ӱдыр шочыныт
Ведомствышто палемденыт, Башкортостан Республикысе 11 район ден олалаште ӱдыр-влак эрге-влак деч шукырак шочыныт. Тиде - Альшей, Аургазе, Балтач, Бурзян, Краснокам, Кугарче, Стерлитамак, Чекмагуш, Ишимбай район-влак, Ишимбай, Кумертау ола-влак да Уфа оласе Советский район. А Зилаир, Мишкан, Федоровский районлаште да Сибайыште шочшо ӱдыр ден эрге-влакын чотышт икгай.
«ЗАГС отделлаште кодший чылаже 47411 аза шочмым регистрироватлыме, тидыже ончычсо ий деч 2258 азалан шагалрак. Икымше йоча 17334 ешыште шочын, кокымшо йоча - 18855 ешыште, кумшо - 7917 ешыште, нылымше - 2178 ешыште, 1033 йоча визымше але утларак икшыве улеш. Тиддеч посна республикыштына 607 йыгыр аза шочын, 10 ава иканаште кум аза дене шочыктен», - умылтареныт ведомствышто.
В. АБУКАЕВ ямдылен.
