01 увертара (иктешлымаш).

Мишкан районышто кок тылзе жапыште 6 пожар регистрироватлалтын (3). Тулышто ик еҥат колен але сусырген огыл (0). Пожар-влак тыгай сельский поселенийлаште ылыжыныт: Мишкан – 4 (1), Кугу Соказа – 1 (1), Чорай – 1 (0).

Тул илыме 2 пєртым (0), оралтыште чоҥымо 4 постройкым (1) пытарен але локтен.

Пожар-влак тыгай амал-влаклан кӧра ылыжыныт: коҥгам правилым пудыртен лукмаш, электричествым пуртымо, электричество дене пайдаланыме правилым пудыртымаш. Кӱшнӧ палемдыме пашам шуктымо годым граждан-влаклан поснак тӱткӧ лийман да нине паша-влакым ышташ сай специалист-влаклан гына ӱжман.

Эше ик гана шекландарена: суртышто изи йоча-влакым шкет ида кодо. Шырпым, зажигалкым да тулым ылыжтыме моло арверым изи йоча налын кертдыме верыште аралыза. Йоча-влак дене шырпе дене модаш лийдыме нерген мутланымашым эртарыман, моланжым сайын умылтарыман.

Иктаж чрезвычайный ситуацийым ончылгоч кораҥдаш йӧн лийын огыл гын, экстренный полышым тыгай телефон-влак (тугок) дене йодман:

01 (мобильный телефон дене – 101) – пожарный охрана;

02 (мобильный телефон дене 102) – полиций;

03 (мобильный телефон дене – 103) – медицинский вашке полыш;

04 (мобильный телефон дене – 104) – аварийный газ служба;

112 – чумыр номер.

Нине номерлашке йыҥгыртымеке (эҥгек лийын гын), раш информацийым ойлыман: молан ӱжыда (пожар, эҥгек, газ ӱпш шижылтеш...), адресым (илем, урем, пӧрт), фамилийдам да телефон номердам. Тидын годым тендан дене мутланыше дежурный диспетчерын фамилийжым мондыман огыл.

Д. ГАЗИЗОВ, БР-се Аскын, Мишкан да Караидель районласе пожарный надзор шотышто государственный инспектор.