«Юзо микрофон - 2021»

«Юзо микрофон - 2021»

Тиде кечын районысо Культура дворецын сценыж гыч ава, кувава, пиалан йоча жап, шочмо кундем нерген сылне муро-влак йоҥгалтыныт, калык куштымаш да кызытсе жаплан келшыше куштымаш-влак ончаш толшо-влакым куандареныт.

Тиде конкурсышто 7 гыч 14 ияш марте уста, талантан йоча-влак шке мастарлыкыштым ончыктеныт. «Юзо микрофон - 2021» конкурс тазалык идалыклан лўмлалтын.

Тудо кок этап дене эртен. Заочный тур 15 февраль гыч 15 март марте шуйнен. Тыште конкурсант-влак шке выступленийыштым видеош возен контактыште «Мишкан районный Культура дворец» группыш колтеныт. Участник-влакын эн сай номерышт очный турыш логалыныт.

Самырык конкурсант-влакым жюри аклен. Тудын составыштыже Мишкан РДК-н администраторжо И. Аликаева, йоча искусство школын вокал дене преподавательже Р. Исмагилова, Мишкан РДК-н калык семўзгар-влак калык оркестрын дирижержо С. Шахмадеева, Мишкан РДК-н культура пашаеҥ-влак калык хорын хормейстерже О. Мусалина, «Эрвел»

куштышо калык ансамбльын репетиторжо И. Биктышева лийыныт.

- Кажныдан посна талант, лач тидлан ўшанаш кўлеш да тудым луктын ончыкташ вожылман огыл, - кумылаҥден конкурсант-влакым вўдышӧ В. Кутлуметов.

Жюри председатель И. Аликаева конкурсант-влакым саламлен да творческий сеҥымашым тыланен, а ончаш толшо-влакым кид совен «изи шўдыр-влакым» кумылаҥдаш йодын.

Таҥасыме выступлений-влак «Хореографий» номинаций гыч тўҥалыныт. Варажым конкурсный программым вокальный

номер-влак сєрастареныт. Мероприятий пеш сєрал лийын. Вўдышын ойлымыж семын, залыште шинчыше-влак чынжымак

«изи шўдыр-влакым» ужыныт.

Нуно шке волгыдышт дене мыланна сай кумылым пєлекленыт. «Юзо микрофон - 2021» районысо самырык ўдыр-рвезе-вла-

клан «шўдыран» корным почын. Конкурсышто вокал номинацийыште 7 - 11 ияш-влак коклаште Гран-прим Йоча искусство школышто Л. Арсланова дене тунемше Ангелина Кузнецова налын. Лу ияш мурызо «Три желания» муро дене выступатлен. Икымше вер Ирина Абдуловалан (Кўшыл Шогертен СДК), кокымшо - Илюс Бикташевлан (Кугу Шаде СДК), кумшо - Илона Абтыкаевалан (Ардаш СДК) логалыныт. Тыгай ийготанак вокальный ансамбль-влак коклаште вер-влак тыге шеледалтыныт: икымше вер - Настя Иванова ден Тимофей Аплековын дуэтышт (А. Искандаров лўмеш Ирсай кыдалаш школын Йылыш ялысе филиалже), кокымшо вер - Ангелина Саликаева ден Виктория Шамукаева (А. Искандаров лўмеш Ирсай кыдалаш школын Йылыш ялысе филиалже), кумшо вер - Кирилл Баймуллин, Егор Яшиев да Алексей Калитов (Кўрзе СДК). Нуно

«Вашке кушнем» куштымашым пеш сылнын куштеныт.

12 - 14 ияш-влак коклаште вокал номинацийыште ик еҥ гына участвоватлен. Тиде - Ангелина Кубагишева. Кемий Культура

пєртын уста мурызыжо «Милая мама» мурым йоҥгалтарен да, мутат уке, сеҥышыш лектын. «Хореографий» номинаций-

ыште 7 - 11 ияш-влак коклаште Гран-прим кок коллектив налын. Тиде - Йоча искусство школын «Калейдоскоп» образцовый йоча хореографический ансамбль ден Тымбай СДК-н дуэтше. Ансамбль «Калина» куштымашым ончыктен, а дуэт «Йолташем дене» куштымаш дене жюрин кумылжым савырен.

Икымше степенян дипломым А. Искандаров лўмеш Ирсай кыдалаш школын Йылыш ялысе филиалжын «Вдохновение» куштышо коллективше «Инак воктене» куштымашыж дене налын. Кокымшо степенян диплом Тымбай СДК-н «Шонанпыл»

куштышо коллектившылан да Йоча исуксство школын кок коллектившылан логалын. Тымбай-влак «Весела куштымашым»

ончыктеныт, «Вдохновение» хореографический коллектив «Веселые поварята» куштымаш дене, «Калейдоскоп» ОДХА «Папито-шоколадо» эстрадный куштымаш дене выступатленыт. Кумшо степенян дипломым Озерка ялысе клубын «Смайлики» коллектив-

шылан пуымо.

12 гыч 14 ияш марте ийготан-влак коклаште «Хореографий» номинацийыште Гран-прим Йоча искусство школын тунемшыже-влак узбек куштымаш дене налыныт («Вдохновение» хореографический коллектив). Икымше верым Монар СДК-н «Ший памаш» куштышо коллектив ден Йоча искусство школын «Калейдоскоп» ОДХА налыныт. Кокымшо верыш ДШИ-н «Вдохновение» хореографический коллективше да Йылыш клубын «Иняк» куштышо коллективше лектыныт. Кумшо вер Кўшыл Шогертен СДК-н «Пеледыш» куштышо коллектившылан да Мишкан РДК-н «Солнышко» куштышо коллективлан

логалын.

Светлана ТОЙМУРЗИНА.