Арня кече-влак нерген

Шочмын уло илыш шочынДа Онар шинчажым почын –Эргыже Каван пелгандын Да тыматле, ныжыл Мландын.

Шочмын уло илыш шочын

Да Онар шинчажым почын –

Эргыже Каван пелгандын

Да тыматле, ныжыл Мландын.

Кушкыжмын, вес кечын, шошым,

Кушкыжын Онар ош ожым

Да чымалтын олык дене

Шордо коштмо корно дене.

А вўргечын, кумшо кечын,

Кучедалын илыш верчын

Патыр янлык дене шучко,

Да йоген вўр мланде мучко.

Изарнян, вий пытымеке,

Шем тушманым сеҥымеке,

Патырна канен тыматлын.

Тауштен Кава ден Мландым.

Ятыр жап, шарнен Онарым,

Имньым кушкыжмым, сонарым,

Калыкна илен Юл велне

Ныл кечаш изарня дене.

Но вара эше ик кече

Ешаралтын – арнягече.

Лийын вич кечаш арня.

Лўмжӧ тудын – кугарня.

Кече нӧлтын, шинчын кече...

Толын лектын шуматкече,

А пеленже – рушарня.

Лийын шым кечаш арня.

Эсен Элай.