Пагален ӱжына!

Пагален ӱжына!

историй да тўвыра рўдер зданийым капитально олмыктымо нерген ме шукерте огыл возенна ыле. Тиде пашам 2019 гыч

2020 ий марте эртыше «Башкортостанлан 100 ий темме лўмеш 100 объект» программа кышкарыште ыштыме.

Уэмдыме верысе марий рўдерышке уже ятыр лўмлӧ еҥ толын каен. Мутлан, Башкортостан Республик Правительство премьер-министрын заместительже А. Бадранов, БР-се культура министр А. Шафикова, РФ Государственный Думын депутатше, Россий паралимпийский комитетын вице-президентше Р. Баталова, БР-се Калык-влак келшымаш пӧртын директоржо И. Султанмуратов да моло. Марий Эл гычат икмыняр лўмлӧ уна толын. Мутлан, марий оньыжа Э. Александров

ден Марий Элысе Кугыжаныш Погынын депутатше Л. Яковлева. Пайрем концерт Марий историй да тўвыра рўдерын вўдышӧ методистше А. Ибулаев концерт деч ончыч тыге каласен:

- Ме рўдер почмашке Мишкан районышто илыше ятыр еҥым ўжын кертын огынал – жапше тугай лийын: коронавирус шарлымылан да Уфа ола гыч БР вуйлатыше толшаш лиймылан кӧра уна-влакым посна ўжмаш почеш гына пуртымо. Тидлан кӧра тиде событий лўмеш посна концертым эртараш лийынна. Концерт деч ончыч фойе ден шуко функциян конференц-залыште алал кумыл озаланен.

Чылан залыште погынымеке, уна-влакым вўдышӧ Регина Исмагилова шокшын саламлен. Варажым сценышке «Эрвел» куштышо калык ансамбль (И. Имаева вуйлата) лектын. Куштызо-влакым чыланат совым рўж кырен вашлийыныт. Молыча лийынат ок керт, вет «Эрвел» ынде ятыр ий Мишкан районын визитный карточкыжо улеш. Сценыште тиде кечын тыгак тыгай коллектив-влак выступатленыт: республиканский да межрегиональный фестиваль ден конкурс-влакын дипломантышт – «Ӱжара» мурышо калык ансамбль (С. Каншаева), Пўнчер ялысе Культура пӧрт пеленсе «Юго» куштышо калык ансамбль

(А. Иванов), Тӧҥгак ялысе клуб пеленсе «Алан» мурышо фольклор коллектив (И. Дигитаева), «Ший памаш» калык фольклор ансамбль (А. Султанбаева),

Йылыш ялысе клуб пеленсе «Эр кече» мурышо ансамбль. Пайремым тыгак ныжыл йўкышт дене республиканский да межрегиональный конкурс ден фестиваль-влакын участницышт Анастасия Белоусова ден Анастасия Апекова сєрастареныт. Чолгалыкым яндар йўкшӧ дене республиканский да межрегиональный конкурс-влакын призёржо Марсель Салимов пуртен. Ончышо-влак совым рўж кырен тыгак чолга да уста мурызо Светлана Каншаевам вашлийыныт. Пайрем касыште чолган да чулымын Максим Андреев выступатлен.

Марий историй да тўвыра рўдерын вўдышє методистше Алексей Ибулаев шкежат єрдыжеш кодын огыл – тудын выступленийже концертын ик эн шерге «чинче падырашыже» лийын. Икманаш, талантан еҥ чыла пашаштат талантан. А. Ибулаев калыклан тиде кастене шке возымо «Оласе ўдыр» мурыжым пєлеклен. Икманаш, концерт моткоч ямле да йомартле лийын.

- Марий историй да тўвыра рўдер – марий калыкын чонжым почмо вер, тыште калык алал кумыл ден ешартыш вийым налшаш, шўмжылан келшыше сомылым мушаш, - каласен концерт годым Р. Исмагилова.

Тиде чынжымак тыге. Марий ИКЦ марий калыкын йўлажым, йылмыжым, тўвыражым, ожсо кидпашажым шымлыме да вияҥдыме шотышто кугу пашам шукта. Тидым ышташ учрежденийыште тўрлӧ йӧн уло: жаплан келшен толшо инструмент ден станок-влак, 3D принтер, звукозапись, анимаций да видео студий, оҥай интерактивный музей...

Икманаш, Марий историй да тўвыра рўдерыш мийыше-влакым ятыр оҥайлык вуча. Чыландамат тушко пагален ўжына!

Светлана ТОЙМУРЗИНА.