Келшымаш
-1 °С
Облачно
Все новости
Культура
12 Ӱярня , 10:06

Шошо фантазий

Вўргечын кастене Йоча искусство школышто концерт эртен

Шошо фантазий
Районысо Культура дворецыште тўрлӧ направлениян ятыр хореографический постановкым ончыктымо. Тушто калык
куштымаш-влакат, кызытсе жапысе куштымаш-влакат лийыныт. Залыште шинчыше-влак самырык мурызо-влакымат кидым рўж кырен вашлийыныт.
Номер-влак чыла оҥай да моткоч ямле лийыныт манын кертына. Тиде кечын хореографический да вокальный усталыкышт дене Мишкан селасе 1 №-ан лицей ден 2 №-ан Мишкан кыдалаш школышто тунемше-влак палдареныт. Ондак сценышке, гном вургемым чиен, эн изи артист-влак лектыныт, нунын куштымыштым ончен чыланат шошо фантазий сандалыкыш логалыныт. Калык куштымаш-влакат моткоч оҥай лийыныт, тыштат кажне куштымаш посна вургемже дене ӧрыктарен.
А современный куштымаш-влак ончышо-влаклан шуко деч шуко чолгалыкым пєлекленыт. Кажне номер могай-гынат эстетический сылнылык дене ӧрыктарен.
...«Калейдоскоп» хореографический йоча ансамбль «образцовый» лўмым 2018 ийыште арален. Коллективым М. Яшкина вуйлата. Марина Васильевна чылаже 100 утла эрге ден ўдырым туныкта. Ирина Янситова – 74 ўдыр-эргым. Коктынат моткоч уста да творческий шўлышан туныктышо улыт.
Ончышо-влак нуно ямдылыме номер-влакым кӧранен онченыт. И. Янситова концертлан кандаш композицийым ямдылен: аджар да ўзбек куштымаш-влакым («Вдохновение» хореографический ансамбль), стилизованный пошкырт куштымашым (5 класс), кок татар куштымашым (6 класс-влак), «Гномик» (1 класс), «Каникул» (3, 4 класс-влак), «Йомартле поварёнок-влак» (3, 4 класс-влак) эстраде куштымаш-влакым. М. Яшкинат концертлан 8 номерым ямдылен: пошкырт да марла куштымаш-влакым («Калейдоскоп» ОДХА), «Ме изи шўдыр улына» (1 класс), «Гитара» (3 класс), «Шоколад» (4, 5 класс-влак) эстраде куштымаш-влакым, «Мундыра» (2 класс), «Мыйым ончалза» (2 класс), «Полан» (3, 4 класс-влак) стилизованный руш калык куштымаш-влакым.
Моштен режиссироватлыме концерт программа ончышо-влакым жаплан йоча сандалыкыш кусарен. Залыште шинчыше-влак куштызо-влак деч вара «Ладушки» ОДВА-н воспитанникше - изи мурызо-влакымат шокшын вашлийыныт. Нуным Надежда Иванова туныкта. Мурызо-влак ямле йўкышт дене творческий касым сӧрастареныт да кумылым савыреныт.
«Ладушки» ОДВА «образцовый» лўмым 2002 ийыште арален. Надежда Валериевна тиде ансамбльым тудын шочмыж годсек вуйлата. «Ладушки» ОДВА-н участникше-влак ик гана огыл тўнямбал кўкшытан, зональный, республиканский вокальный конкурслаште участвоватленыт да лауреат лўмым сулен налыныт.
Светлана ТОЙМУРЗИНА.