Келшымаш
-1 °С
Облачно
Все новости
Культура
30 Сентябрьыште 2020, 12:56

«Кушталташ йодеш чонемже…»

25 сентябрьыште финн-угор тӱнян рӱдӧ верже кышкарыште Мишкан РДК-ште «Кушталташ йодеш чонемже» фестиваль-конкурс эртен

«Кушталташ йодеш чонемже…»
Тиде мероприятийыште мемнан республикысе 8 район да кум ола гыч 18 коллектив да Марий Эл гыч куштышо ансамбль-влак участвоватленыт. Ушештарен кодена, «Кушталташ йодеш чонемже» фестиваль-конкурс вич ий ончыч, Мишкан районын ик эн мотор верыштыже, Пӱнчер ялыште шочын. Тудлан негызым Иванов Алексей Ахмазович ыштен.
2020 ий Мишкан села финн-угор тӱнян столицышкыже савырнен. Чаманаш веле кодеш, коронавируслан кєра ончылгоч
палемдыме ятыр мероприятий эртаралтде кодын. Ты шучко черым изишак шеҥгек шўкалмеке, «Кушталташ йодеш чонемже» фестиваль республикысе да Марий Элысе куштышо коллектив-влакым уэш Мишкан селашке конден. Можо оҥай, тиде фестиваль-конкурсыш Бурай селасе Культура пӧрт пеленсе «Дуслык» ансамбль толын да гран-прим сеҥен налын. Чыла выступлений деч вара мый нунын деке мийышым да шкежат Бурай кыдалаш школышто тунем лекмем нерген
ойлышым. «Товарищи бураевские марийцы!..», - манам. «Мы не марийцы….» - иктыже ойла. А мый манам Бурай селасе кокымшо школым тунем пытаренам. А шкеже Моллааул марий малай улам, ойлем нунылан. Тыге Бурай тотар-влак дене палыме лийым да тунемме школышто лўмлє выпускник-влак нерген музейым ыштыме нерген пален нальым.
Тушко мыйымат, марий писатель семын, пуртеныт улмаш. Жюри председатель Я. Янсубаев лийын. Тудо марий куштымаште кузежым-можым сайын пала. Сандене бурай тотар-влаклан, марла куштымашым чаплын ончыктымыштлан, эн кӱкшӧ премийым пуымаште иктаж-могай «блат» лийын огыл. Фестиваль кум шагат утла шуйнен гынат, залыште шинчыше-влаклан моткоч писын эртылыма чучын. Кӧ ты пайремыш миен кертын огыл, «ЮТУБ» сайтыш пурен, Александр Крутовын
«Кушталташ йодеш чонемже» видеом ончен кертеш.
Валерий АБУКАЕВ.