+22 °С
Дождь
Калык муро
31 Декабря 2020, 21:00
Пӱрӧ велысе тиякат мурымо муро-влак
Юрьё Вихманын возымыж гыч.
Юрьё Вихманын возымыж гыч.
Пӱрӧ велысе тиякат мурымо муро-влак
1. Эр гына кынелын тӱгӧ лектым -
Юмын ӱдыр вӱдлан волалеш.
Юмын ӱдыр вўдлан волымо годым
Шемер калык Юмылан кумалеш.
2. Элнан гына уремже кумда урем,
Кок могырышто киялеш шем кишке.
Шем кишкыжын чонжо ай могане,
Мыланна лай тушманже тугане.
3. Аркашан шочшаш тыгыде куэрла
Арам шочын-кушкын арамаш.
Узьмакеш шочыш-кушшаш ужар вуем
Арам шочын-кушкын ты тўняш.
4. Арка гыч икте йӧртын вола,
Салпундыш сайын тайналеш.
Тайналеш гынат, огеш йӧралт:
Ош Юмыжо тудым саклалеш.
5. Йылдыр лай йылдыр вӱд йога,
Вӱд почеш саламым кӧ колта?
Еҥ почеш саламым колтымешкет,
Толын ужын кает гын, мо лиеш?
6. Чоҥеште, комбем, чоҥеште!
Ик йыр савырнет – мӧҥгеш тол!
Шулдыр мучашешет язум серем,
Шочшем деке намиен текшыре!
7. Ош Виче воктен коштмем годым
Сер сӱмырла ман лӱдым.
Ты тӱня ӱмбалне коштмем годым
Еҥ ойлалеш ман мый лӱдым.
8. Кӱкӱжӧ мура, шӱшпык шӱшка –
Молан ямле ты тылзе?
Рвезына годым айват ыльна –
Молан эртен кая рвезе ӱмырна?
9. Йӱксӧ чоҥешта шӱдыр ужын,
Кӱкӧ чоҥешта ер ужын.
Мыйын шочшем пешат мӱндыр –
Ужын ойлена гын иктырет?
10. Кашташке кидым мый шуяльым,
Ужар кытат налаш кид ыш шу.
Налаш шонышыжо налде кодшо,
Шойылчынна ончен шорыкшо (шортшо).
