Келшымаш
-3 °С
Пылан
Все новости
Калык календарь
3 теле 2021, 10:00

3 теле/декабрь – Кӱлдымашым каргыме кече.

3 теле/декабрь – Кӱлдымашым каргыме кече.

3 теле – Кӱлдымашым каргыме кече. Тиде кечын, кӱлдымаш ден екысуко-влак рож ден йыкла гыч лектын да еҥлан осалым ыштен ынышт керт манын, нуным вурсыман да каргыман. Кӱлдымаш ден екысуко-влак, кызытсе йылмыш кусараш гын, тӱрлӧ уда микроб ден вирус-влак лийыт.
Калык ой почеш, кӧ кочмо деч ончыч кидшым ок муш, воктекыже иктаж екысуко шинчеш да пырля кочкышыжым кочкеш, икманаш, черым колта. Кочмо годым уда мутым ойлышо-влакат кӱлдымаш ден екысуко-влакын оптышышкышт логалыт. Икманаш, кочмо деч ончыч кидым мушман, Перке Юмым тауштыман да кочмо годым шып шинчыман. Тыгак пелйӱд годым кочман огыл. Пелйӱдым кочшо еҥ вувержым пукша маныт. Ожно вуверан еҥ-влак ятыр лийыныт, нуно айдеме вӱрым йӱде чытен кертын огытыл.
Тергорно шымаргыме кече. Тиде кечылан тергорно шымарга.
Тиде кечын лум лумеш гын, 3 июньышто (Йытыным ӱдымо кече) йӱр йӱреш. Ӧрш мура, а шогертен авыртыш йымаке шылеш гын, вашке поран тӱҥалеш.
4 декабря - День брани нечисти. В этот день нужно бранить и ругать нечисть, чтобы она не выходила на землю и не распространяла разные болезни.
По народной молве, кто не моет руки перед едой, рядом с собой сажает какую-нибудь нечисть. Во время еды также нельзя сквернословить.
День установления санного пути.
Если в этот день идёт снег, 3 июня (День посева льна) будет дождь. Если снегирь поёт, а сорока прячется под навесом, скоро будет метель.