2 теле/декабрь – Кӱлдымашым поктымо кече.

2 теле/декабрь – Кӱлдымашым поктымо кече. Кӱлдымаш ден екысуко-влак (осал шӱлыш ден чер-влак – грипп ден ОРВИ, ожно кугезына-влак нуным кӱлдымашлан – айдеме ден чонан-влаклан нимогай пайдам кондыдымо шӱлышлан шотленыт) телылан тӱрлӧ йык ден рожыш шылаш тыршат. Сандене тиде кечын товар тош дене омса янак ден тӧрза янак-влакым перкален лекман – тӱрлӧ осал ден кӱлдымашым поктен лукман. Уремышке амал деч посна лекташ тыршыман огыл – осал шӱлыш пурен кертеш. Сандене утларакшым коҥга воктене шинчыман да мӱйурвам йӱман. Шарныман: оралтым кӱлдымаш-влак дечын Капка орол орола, вольыкым – Вӱта оза сакла, еш кӧргысӧ суап ден ешын тазалыкшым – Кудо Ава ден Кудо Водыж. Тидлан кӧра нуным жаплаш мондыман огыл.

2 декабря - День изгнания из дома всякой нечисти. Под нечистью раньше воспринимали разные духи болезней - вирусы. По народному поверью, они на зиму прячутся по разным щелям. Чтобы их изгнать, нужно постучать обухом топора по всем косякам. На улицу без повода выходить нельзя - следом может зайти какая-нибудь нечисть. Лучше сидеть возле печи и пить чай с мёдом. Нужно помнить: двор от всякой нечисти защищает Воротник - Хранитель ворот, скот - дворовой, дом и домашних - кутный бог. Поэтому этих духов нужно почитать и задабривать.