9 январь – Имньым жаплыме кече.

9 январь – Имньым жаплыме кече. Тиде кечын имньылан ший вӱдым йӱктыман – вӱд ведраш ший оксам але шергашым пыштыман.

Тӱрлӧ кӱлдымаш-влак дечын лӱдшӧ-влаклан палдарена: нунын дечын эн сай серлагыш - имне пӱжвӱд дене ӱпшалтше сола. Тыгай сола дене лупшалыда гын, воктенда ик осал шӱлышат ок код. Вет имне - Ош Кече Ош Юмо дене кылдалтше вольык улеш.

Корак-влак ӱлнӧ коштыт гын, левыкта, пушеҥге парчаште шинчат гын, йӱштӧ шога. Имне пышкыра гын, игече леве лиеш, вуйжым рӱза да тургыжлана гын, поран лектеш. Йӱдым тылзе йошкарге гын, эрдене леве лиеш да вашке лум лумеш. Изи кайык-влак огыт кой гын, вашке поран тӱҥалеш.