26 шошо/март – Маска кынелме кече.

26 шошо/март – Маска кынелме кече. Тиде кечын, калык ой почеш, вынемже гыч Маска - Чодыра Оза лектеш. Ожно марий-влак маскам шкеныштын кугезыштлан шотленыт. Маска – Кугу Илыш Шочын Юмын да Кече Юмын (кече деч посна нимогай илыш лийын ок керт) мландӱмбалсе сынышт. Илыш Шочын каваште кучкыж (орёл) семын коеш, вӱдыштӧ – нужгол семын. Кугу Илыш Шочын Ава ден Кугу Илыш Шочын Ача уло чонанын кугезышт улыт, Кугыеҥ але Мер Юмо (Ригведыште Митра – Яма, пелашыже - Ями, Авестыште – Митра – Йима, пелашыже - Йимак) – айдеме тукымын кугезышт. Мӱндыр кугезына молан кок лӱман улеш, ӧршаш уке. Финн тукым гыч вожым налше тиште-влак тудым Кугыеҥ маныныт, индо-арий тукым гыч вожым налше тиште-влак – Юмо але Мер Юмо. Ожно марий Юмынат пелашыже лийын манын кертына. Лӱмжӧ Юмын мланде йымалсе сынжын лӱмыштыжӧ веле аралалт кодын. Ик шӱведыш мутышто возалтеш: «Йамази кува ден кугызаже мланде йымалне илат, коктынат исыр улыт»... Кызыт ме Йамази олмеш Киямат тӧра шомакым кучылтына.

Кайыккомбо-влак пӧртылмӧ кече. Тиде кече гыч, шошо эр толеш гын, кайыккомбо-влак пӧртылаш тӱҥалыт. Нуно тиде кечын пӧртылыт гын, идалык поян да лектыш сай лиеш.

Турий пембе (йошкаргырак шулдыран, чодыраште илыше мурызо кайык) деч ончычрак чоҥештен толеш гын, игече леве лиеш, пембе ончычрак гын – йӱштӧ. Игече тӱтыран гын, кеҥеж йӱран лиеш. Тиде кечын шереҥге, олаҥге да пардаш сайын чӱҥгат.

26 март - День медведя. В этот день просыпается медведь. Раньше мари считали медведя своим предком. Медведь считался Богом Жизни - Великим Зиждителем.

День прилёта диких гусей. Если они прилетят в этот день, год будет урожайным.

Если жаворонки прилетят раньше зябликов, лето будет жарким, если позже - холодным.