17 шорыкйол/декабрь - Ӱдырамаш кече.

17 шорыкйол/декабрь - Ӱдырамаш кече – кас ден йӱд волгыдемме кече, тидлан кӧра кече кужеммыла чучеш да ӱдырамаш-влак ожно кидпашам кужурак жап ыштен кертыныт.

Тиде кечын Йӱштӧ кугыза шӱлышыж дене окналаште тӱрым тӱрлен коштеш. Уремышке йӱдым амал деч посна лекман огыл – Йӱштӧ кугыза саташтарен да кылмыктен кертеш.

Кас ӱжара йошкарге гын, игече ояр лиеш. Игече леве шога гын, йытын сайын кушкеш.

17 декабря - Женский день. Из-за того, что ночи становятся светлее, кажется, что день начинает увеличиваться. Поэтому в старину женщины могли заниматься рукоделием дольше.

В этот день Дед Мороз рисует на окнах разные узоры. Но ночью на улице без повода лучше не выходить - Дед Мороз может запутать и заморозить.

Если вечером заря красная, погода будет ясной. если тепло, уродится лён.