14 ага/май – Шошо вийым налме кече.

14 ага/май – Шошо вийым налме кече.

Ӱдымӧ кече. Калык ой почеш, ӱдаш эн сай жап-влак – 6 май (Вольыкым пасушко лукмо кече - Йогор кече) деч вара арня да 14 май деч вара (но 15 майыште огыл) арня.

Икымше гана ӱдаш лекме годым эр йӱдым лектын кайыман. Капкам лектын кайыме годым, умла гай куштылго да тул гай писе лияш, имне ончыко умлам да тул шолгымым шолыман. Аҥа ӱмбаке мийымеке, урлыкашым урлык комдышко, «орва пуч гоч але шергаш гоч кунам чараматырын лектын кертеш, тунам иже мыйын шурно поянлыкем налын кертышт» манын, кум кормыжым йоктарыман. Вара урлык комдышко 5, 7, 9, 11 муным пыштен, муно гай тӱвыргӧ пырчан лийже манын, ӱдыман. Ӱдымӧ почеш тиде муным тырмалаш мийыше йоча-влак погышаш улыт. Погымо мунын иктыжым тӱрлӧ осал деч, неле йӱр да шолем деч, тул вӱд деч арале манын, кинде нер дене пырля мландышке - Мланде водыжлан чыкыман. Вара кодшо муныжым, йырге аҥаште улшо еҥ-влакым кычкырен конден, пырля кочман.

Тыгак Мардеж Он ден Мардеж Ава деч, Эрвел, Кечывалвел, Касвел мардеж-влак деч сай игечым йодаш уто огыл. Игече уда шога гын, лектыш уда да идалык неле лиеш. Игече сай гын, лектышат ума.

14 мая - День весенней силы.

День сева. По народной молве, самые благоприятный дни для сева неделя после 6 мая и неделя после 14 мая.

В этот день нужно просить благоприятной погоды у богов ветра. Если погода погожая, то и уборка будет пригожей.