Келшымаш
-20 °С
Пылан
Все новости
Калык календарь
12 Кылме 2020, 13:51

12 йӱштӧ/ноябрь - Ӱдыр кече.

12 йӱштӧ/ноябрь - Ӱдыр кече.

12 йӱштӧ/ноябрь - Ӱдыр кече. Тиде кечын чыве шыл дене пучымышым шолтыман, ӱдыр-влаклан изи пайремым ыштыман. Тушко каче-влакым ӱжман. Туштым туштыман да йомакым ойлыман. Тыгак мурым мурыман.
Киса кече – Тиде кечын киса ден ӧрш-влак чоҥештен толыт. Ончычракат кертыт, но варашрак - шуэн. Нуно пиалым кондышт манын, шерге уна семын вашлийман – кинде пудырго але шыдаҥ дене сийлыман.
Сонарзе ден колызо-влакын кечышт. Тиде кечын шерге коваштан янлык-влакым сонарлаш тӱҥалаш лиеш. Но тидын деч ончыч Чодыра Оза ден Чодыра Авалан вуйым савыман. Икымше янлыкым кучен толмеке, пӱтынь илемым сийлыман. Илемыште калык шуко гын, родо-шочшым ӱжман. Сонарзын корныштыжо пире перна гын, тиде кечын тудлан логалман огыл – эҥгек лиеш. Моло кугу янлыкымат кучаш шекланыман – кугу янлык сыным налын, Чодыра Он коштеш. Йоҥылыш лийдымашын, тиде кечын ик мераҥым кучыман да пӧртылман. Колызо-влаклан кугурак колым кучаш тыршыман. Киса-влак шукын чоҥештылыт гын, вашке йӱштӧ толеш.
12 ноября - Девичий день. В этот день девушкам нужно сварить курицу и отпраздновать небольшой девичий праздник.
День синицы. В этот день к нам прилетают на зиму синицы и снегири. Могут и раньше, но позже очень редко. Чтобы они принесли нам счастье, этих птиц нужно покормить.
День охотников и рыболовов.