27 сес/октябрь – Лавыра кече.

27 сес/октябрь – Лавыра кече. Тиде кече кукшо ок лий.

Йытыным тулымо кече. Тиде кечын йытыным кӱраш да тулаш тӱҥалман. Шӱдыраш да мушкаш ок лий, но вургемым ургаш лиеш.

Кудо Авам (кудертым) жаплыме кече. Тиде кечын ӱдырамаш-влаклан кудо Авам жаплыман да тӱрлӧ кидпашам ышташ усталык ден вийым йодман. Нунын дене пырля Илыш Шочын Авамат жаплыман. Вет нунын коклаште кыл пеҥгыде. Ожно кудышто марий-влак

Илыш Шочын Авалан (тыгак Илыш Шочынлан) посна верым ойыреныт, тушто Илыш Шочын Авалан (Илыш Шочын ачаланат) лӱмлалтше пушеҥге гыч тодын кондымо воштыр-влакым араленыт, посна арчаште – тудлан (але нунылан) лӱмлалтше арвер-влакым. Ожно Кӱсӧ годым (Кӱсӧ – Илыш Шочын Юмын вес лӱмжӧ манашат лиеш) кудышто аралыме воштыр-влакым йӱлатеныт, варажым вес – иле воштырым конденыт. Илен толын, тиде йӱла мондалтын да Кӱсӧ (Сӱрем) годым, уке иям поктымышт деч вара, капка-влакым кырыме воштыр-влакым йӱлаташ тӱҥалыныт.

Кудерт кува, тудак Кудо Ава, чӱчкыдын шӱдырым - ший шӱртым шӱдыра. Коклан пӧртончылно тудын шӱдырымӧ йӱкшӧ шокта. Тыгай йӱкым колмаш ешлан суапан да пиалан илышым сӧра.

Лавыре кече эре лавыран лиеш. Шыже йӱран гын, шошат йӱран лиеш. Игече кукшо да мардежан гын, вес ийлан кеҥеж кукшо да лектыш уда лиеш, йӱран гын – лектыш ума. Лавыра кечын лавыра келге да имне кышашке виклан вӱд темеш гын, ончыкыжым вочшо лум ок шуло.

27 октября - День грязи. Этот день не бывает сухим.

День трепания льна. В этот день нужно начать трепать лён. Нельзя прясти, мыть и шить одежду.

День Кутного бога и Кутной богини.

Кутная богиня часто прядет серебряные нити. Иногда в сенях слышится звук её веретена. Этот звук сулит семье благополучие.

День грязи всегда бывает грязным. Если погода сухая и ветреная, урожай в следующем году будет плохим, если дождливая - к урожаю. Если к этому дню грязь глубокая и вода сразу заливает следы колеса, выпавший после этого дня снег не растает.