Таргылтыш

Таргылтыш

Таргылтыш йӱшӧ еҥым аҥыртара. Корнышто, кожлаште пий ганят лийын коеш шинчаш, сӧсна гаят коеш, еҥ лийын коеш, мераҥат лиеш. Вӱдышкӧ пурен кайыше айдеме таргылтыш лийын коеш. Лугыч колышо, ӱмыржӧ шудегеч колышо айдемын чонжо коштеш таргылтыш лийын. Пасушто таргылтыш кычкыра йўдым.

Ик еҥ миен унала ик ялышке. Унала мийыме ялыштыже кочкын-йӱын коштын да йӱдым толаш лектын теркыже. Пасуеш йомдарен корным. Шуко-ли, шагал-ли коштмекыже иже рвезе лийын кончен шинчажлан таргылтыш. Ты рвезе каласен: «Куш кает, изай?». Еҥ каласен: «Теркем каяш лектым да корнем йомдарышым але». Таргылтышыже, рвезе лийын койшо, каласа: «Корно тыште гына». Ты йӱшӧ еҥ каласа: «Айда, корным ончыкто, куштырак?». Таргылтыш наҥгаен кугу коремышке. Ты еҥ коремыште волгалтмешке киен. Волгалтмеке веле лектын толын теркыже.