Келшымаш
+3 °С
Облачно
Все новости
Общие статьи
9 Сентябрьыште , 15:36

У тунемме ий тӱҥалын

Икымше сентябрьыште Мишкан селасе 1 №-ан лицей 684 йочалан омсажым почын

У тунемме ий тӱҥалын

 

 

 Игече шўлыканрак лийын ганат, йоча-влакын чурий­ышт кечыйолла шыргыжын. А икымше классыш тол­шо-влакын куаныштлан мучашат лийын огыл. Ла­тикымше классыш вончышо 27 тунемшылан тиде тунем­ме ий пытартыш лиеш. А 86 ўдыр ден эргылан 2021 ий 1 сентябрь Шинчымаш тўняшке икымше ошкылым ыштыме кече семын шар­нымашеш кодеш.

Тений тунемаш толшо-влаклан тўҥалтыш класслаште туныкты­шо-влак Т. Петрова, Г. Ахмадул­лина, Л. Килинбаева, Е. Биктыше­ва ўшанле эҥертыш лийыт.

Торжественный линейкым школ директор Е. Малмыгин почын. Ев­гений Валентинович йоча, ача-ава да туныктышо-влакым у тунемме ий тўҥалтыш дене шокшын са­ламлен.

Лицейыште йоча-влаклан келге шинчымашым пуат, пашам йӧра­таш туныктат. Школ-влакым у ту­немме ийлан ямдылыме шотышто Ф. Буляков лўмеш 1 №-ан лицей икымше верым налын.

Линейкыште эртыше тунемме ийыште ойыртемалтше тунем­ше-влакым саламлыме. Нуно ди­ректорын кидше гыч диплом ден тауштыме серыш-влакым налы­ныт.

Погынышо-влакым район ад­министраций лўм дене админи­страцийыште пашам виктарыше Р. Сафин, образований отдел лўм дене методист И. Кусюкбаева са­ламленыт.

«Василек» 2 №-ан йоча са­дын воспитательже Г. Аптиева ден икымше туныктышо Л. Ки­линбаева икымше классыш тол­шо-влакым илышын у йыжыҥыш­кыже вончымо дене шокшын саламленыт да шинчымаш ку­рыкыш кыртмен кўзаш тылане­ныт. Икымше классыш толшо йо­ча-влакын ача-авашт лўм дене Л. Бурнашева саламлен.

Теве икымше оҥгыр йўк шергыл­теш. Тудым пуаш школьник-влак коклаште КРИТ-2021 республи­канский конкурсышто информа­ционный технологий дене призер, «Шаг в будущее» республикан­ский технический олимпиадын призержо, 11 классыште тунемше Е. Зайцев ден икымше классыш толшо С. Александровалан ўша­неныт.

Торжественный линейка деч вара изи йоча-влак шкеныштын икымше урокышкышт каеныт…

Светлана ТОЙМУРЗИНА.

У тунемме ий тӱҥалын
Автор:Светлана Тоймурзина