Келшымаш
-1 °С
Облачно
Все новости
Общие статьи
31 Сорла , 15:06

У тунемме ий вашеш

26 августышто туныктышо-влакын августысо конференцийышт эртен

У тунемме ий вашеш

Тений тиде мероприятий Марий историй да тўвыра рўдерын конференцзалыштыже лийын. Августысо совещанийыште Башкортостан Республик образований да наука министрын заместительже Альберт Яримов, БР стратегический шымлыше институтын социо-культурный анализ рўдерын вуйлатышыже Юлдаш Юсупов, Россий Федераций
Федеральный Погын Государственный Думын депутатше Ильдар Бикбаев, Мишкан район МР администраций вуйлатыше Павел Трапезников, районысо образований отдел начальник Сергей Александров, районысо образовательный учреждений-влакын вуйлатышышт, педагогический пашае‰-влак участвоватленыт.
Кажне ийын августысо вашлиймаш - тиде кугу педагогический совет. Тушто эртыше тунемме ийын лектышыже иктешлалтеш да у тунемме ийлан задача-влак палемдалтыт.
Тений конференций «Образовательная среда как механизм достижения образовательных результатов» тема дене эртен.
Тудо шинчымашын качествыжым нєлталмашке виктаралтын. Тидыже шушаш ийлаште тў‰ региональный образовательный политикылан шотлалтеш.
Районысо образований система - тиде образовательный услугым пуышо организаций-влак сеть. Мишкан районышто таче 16 муниципальный образовательный организаций уло. Тиде 10 школ - юридический лицо 22 филиалже дене. Тушечын 11 тў‰алтыш, 8 тўп общеобразовательный да 3 кыдалаш школ-влак, тыгак 4 йоча сад да 2 ешартыш образований учреждений. Образованийын качествыжым виктарыме тў‰ корнылан государственный итоговой аттестацийым организоватлыме да
эртарыме шотлалтеш. Эртыше тунемме ийыште 319 тунемше гыч 313 тунемшыже тўп общеобразований нерген документым налын, тушечын 17 тунемшыже «отличиян» аттестатым налын. Кыдалаш образованийым налме шотышто государственный итоговой аттестацийыште 116 выпускник участвоватлен. Тушечын 110 выпускникше аттестатым налын. 12 выпускник «За особые успехи в учении» медаль дене палемдалтын. 2021 ийыште единый государственный экзамен лу общеобразовательный предмет дене эртаралтын. Эн популярный предметлан математика (профильный уровень), биологий, химий, обществознаний да физика шотлалтыт.
У тунемме ийыште педагогический коллектив-влаклан чыла классыште выпускной текшырыме паша-влаклан келге анализым ышташ, сай результатыш шушо паша-влакым келгын лончылаш, предмет-влак дене начар лектышын амалыштым рашемдаш темлыме.
Келге шинчымашым пуымаш педагог ден образовательный учреждений вуйлатыше-влакын кўкшє профессиональный мастарлыкышт деч шога. Мемнан дене кадровый педагогический состав стабильный улеш. 2020-2021 тунемме ийыште общеобразовательный учрежденийлаште 389 е‰ пашам ыштен. Тушечын 30 е‰же вуйлатыше
должностьышто улеш, 339 - туныктышо, 20 социальный пашае‰. Тачысе кечылан школлаште туныктышо-влак огыт сите. Педагогический ВУЗ ден ССУЗвлакын выпускникышт районыш огыт пєртыл. Сандене улшо нагрузка пашам ыштыше туныктышо-влакын вачўмбакышт возеш.  Поснак туныктышо-предметник-влак - йот йылмым, руш йылмым, физикым, информатикым туныктышо-влак огыт сите. Чыла тидым шотыш налын, 2020 ийыште «Земский учитель» государственный программе пурталтын. Тиде программа почеш 1 №-ан лицейыш англичан йылме дене специалист толын. Тенийсе тунемме ийлан икмыняр туныктышылан йодмашым колтымо, но ик квота гына пе‰гыдемдалтын - Кемий школышко химийым да биологийым туныктышо толшаш. Шукерте огыл, 20 августышто, мемнан районыш Башкортостан Республик вуйлатыше Радий Хабиров толын. Тудо 2 №-ан Мишкан кыдалаш школлан у корпусым чо‰ымо проект дене палыме лийын. Тиде школышто 600 утла йоча тунемеш. Тиде формативный вер деч 1,5 гана шукырак. 250 тунемме верлан у помещений, тушто столовыйланат верым палемдыме, улшо проблемым решатлаш полша. Радий Фаритович ты идейым йєплен да тушакын марий йылмым келгын тунемме полилингвальный школым почаш темлен. Августысо конференцийын программыже поян да тўрлє
лийын. Тыште тунеммаште шумо се‰ымаш-влак нерген гына огыл ойлымо, а улшо проблема-влак тарваталтыныт да нуным кузе решатлаш лийме йєн-влакым
кычалме. Пленарный заседаний годым эн сай туныктышо, талантан йоча-влакым да педагогический пашан ветеранже-влакым саламлыме.
Кўкшє профессионализмлан, образований сферыште суапле надарым пыштымылан да шуко ий пашам тыршен ыштымылан "Почетный работник воспитания и просвещения Российской Федерации» чап лўм дене Йочаюношеский спортивный школын тренер-преподавательже Наталья Апсатарова, Чорай ялысе Я. Ялкайн лўмеш марий гимназийыште биологийым туныктышо Марианна Губеева, Флорид Буляков лўмеш 1 №-ан лицейыште англичан йылмым туныктышо Алеся Кириллова палемдалтыныт. Образований сферыште суапле надырым пыштымылан да шуко ий тыршен пашам ыштымылан РФ просвещений министерствын Почетный грамотыж дене директорын туныктымо да воспитатлыме паша шотышто заместительже-влак Ирина Айгузина (Пўнчер школ), Ленара Валиуллина (Иштыбай школ), руш йылме ден литературым туныктышо Рамзия Кичук (2 №-ан Мишкан кыдалаш школ), историйым туныктышо Лера Сайсанова (Монар школ) наградитлалтыныт. ЕГЭ ден ОГЭ-м эртарымаште
кўкшє профессионализмым ончыктымылан Наталья Александрова, Нина Аспаева, Дмитрий Михайлов Тауштыме серыш дене палемдалтыныт.
О‰еш пижыктыме «Отличник образования РБ» знакым директорын воспитатлыме паша шотышто заместительже Борис Айгузин (Ардаш школ), «Путник» йоча-юношеский туризм, экскурсий да патриотический воспитаний рўдер ешартыш образованийын педагогшо Инна Зайнитдинова, англичан йылмым туныктышо Раиса Салиева
(Кемий школ) налыныт. Образований сферыште шуко ий пашам тыршен ыштымылан БР образований да наука министерствын Почетный грамотыж дене математикым да информатикым туныктышо Эдуард Ишкаматов (Пўнчер школ), Мишкан селасе «Ласточка» 3 №-ан йоча садын воспитательже Елена Минилбаева, марий йылмым да литературым туныктышо Анжелика Юзукбаева (марий гимназий), дошкольный группын воспитательже Энже Галинурова (Кугу Шаде школ) палемдалтыныт.
Варажым ветеран ден юбиляр-влакым, тў‰алше туныктышо-влакым саламлыме. У тунемме ийыште Нерге ялысе кыдалаш школышто Геннадий Мурзашев тренер-преподавательлан ышташ тў‰алеш. 2 №-ан Мишкан кыдалаш школышко историйым да обществознанийым туныкташ самырык специалист Кристина Шамсутдинова
толын.Мероприятийын кокымшо ужашыжым Культура дворецын пашае‰же-влак сєрастареныт.
Погынышо-влаклан шке коллегыштын выступленийыштат чот келшен. Борис Айгузин (Ардаш ялысе кыдалаш школ директорын воспитательный паша шотышто заместительже) ден Руслан Янситов (Тымбай ялысе изак-шоляк Беловмыт лўмеш кыдалаш школышто руш йылмым да литературым туныктышо) муро пєлекым ыштеныт.
Конференций жапыште историй да тўвыра рўдерын фойештыже образованийын качествыжым вия‰дымылан лўмлалтше выставка пашам ыштен.
Светлана ТОЙМУРЗИНА.

У тунемме ий вашеш
Автор:Светлана Тоймурзина