Жап эртышым шарнаш кўшта

Жап эртышым шарнаш кўшта

Чылажат районысо самырык-влак дене паша отделын тў‰ специалистше Ольга Биктубаева деке йы‰гыртымаш гыч тў‰алын. Тудлан Афган сарыште колышо ик салтакын шочшыжо Виктор Зырянов йы‰гыртен да Вячеслав Муртазинын родо-шочшыжо-влаклан тудым палемдыме «100 лет военной разведке» орденым кондымыж нерген увертарен.

5 ноябрьыште Российыште Военный разведка кечым палемдат. Тиде кечын идалык еда разведчик-влак Москва олаште Вуй савыме курыкышто погынат.

Тений тыгай вашлиймашке Башкортостан Республик гыч кугу делегаций миен. Нунын коклаште Виктор Зырянов лийын. Тиде кечын военный разведчик-влакым юбилейный орден да медаль ден палемдыме. «100 лет военной разведке» орден дене посмертно Вячеслав Емельянович Муртазинымат палемденыт. Жап ятыр эртымекат землякнам шарнымаш кумылым савыра.

Тиде событий лўмеш 13 ноябрьыште Кемий кыдалаш школышто, а Вячеслав Муртазин лач тушто тунемын, «Шарнымаш ила» вашлиймаш эртен. Мероприятийыште Вячеславын Валентин, Юрий да Анатолий иза-шольыжо-влак, Афган сарыште колышо салтакын шочшыжо Виктор Зырянов, Краснокам район гыч Афган сарыште колышо салтакын шочшыжо Павел Байрамов, районысо воин-интернационалист-влак Венер Фатхинуров, Гадиф Бикбулатов, Виталий Имакаев, Василий Бикбаев, Данил Илинбаев, Юрий Адылбаев, район администраций вуйлатыше Рустам Мусин, Мишкан да Бурай районласе военный комиссар Сергей Васильев, самырык-влак дене паша отделын тў‰ специалистше Ольга Биктубаева участвоватленыт.

Уна-влак ончылно Кемий кыдалаш школышто тунемше-влак Афган сар нерген мурым муреныт да почеламут-влакым лудыныт, воин-интернационалист-влаклан порысыштым пе‰гыдын шуктымыштлан тау мутым ойленыт.

Тылеч вара торжественный обстановкышто район администраций вуйлатыше Рустам Маратович, Мишкан да Бурай

районласе военный комиссар Сергей Шуматович да Москва оласе мероприятийын участникше, Благовещенск ола гыч Афган

сарыште колышо салтакын шочшыжо Виктор Зырянов Павел Байрамовлан юбилейный орденым, посна назначениян посна

459 ротышто служитлыше, ™лыл Памаш ялын шочшыжо Юрий Адылбаевлан шарнымаш медальым кучыктеныт.

Тылеч вара воин-афганец-влак тунемше-влак дене вашлиймашым эртареныт. Нуно ўдыр-эрге-влакын йодышыштлан

вашмутым пуэныт да сарысе илышышт нерген ойленыт. Мучашлан сарыште колышо-влакым тып минут дене жаплыме.

Мероприятий мучаште школ музей вуйлатыше В. Апсатаров погынышо-влакым Афган сарын участникше Вячеслав Муртазин нерген погымо материал-влак дене палдарен.

Вячеслав Муртазинын орденжым аважлан кучыктымо. Виктор Зырянов тудым ўдырамашын суртыштыжо пуэн. Вячеславын аваже, тазалыкше лушкыдеммылан кєра, мероприятийыш миен кертын огыл.

- Тыгай мероприятий-влак самырык тукымым патриот шўлышеш воспитатлаш полшат, - палемден самырык-влак дене паша шотышто специалист, «Самырык Гвардийын» верысе отделенийже вуйлатыше Ольга Биктубаева.

Венера АГЛЯМОВА.