Ял калыкын ўшанжым шуктыман

Ял калыкын ўшанжым шуктыман

Кўрзе ялын старостыжо Сергей Иванов шым ий территориальный общественный самоуправленийын председательже улеш

Кє калык деке лишыл улеш? Мутат уке, ял староста. Тудын деч посна ял калыкат, сельсовет администраций вуйлатышат киддыме гай улыт. Вет территориальный общественный самоуправленийын председательже, старостам вес семынже тыге маныт, ялысе проблемын эн ончыл линийыштыже шога. Сергей Иванов ТОС-ын председательже должностьыш шке кумылын шогалын огыл. Тудым ялысе погынымаште е‰-влак сайленыт. А калыкын ўшанжылан тореш лийын огыл. Тидлан ынде шым ий утла эртен.

Тў‰алтыш жапыште тудын икымше полышкалышыже тунамсе сельсовет председатель Григорий Алеев лийын. Тудо ка‰ашыж денат, пашаж денат эре полшен шоген. Кўрзеште илыше-влак эн ончычак ял шўгарлам тўзаташ пижыныт, пеш шуко шўкшакым луктыныт, олмыктымо да чо‰ымо пашам ыштеныт. Ик поро пашам весе алмаштен, а паша лектыш чылам куандарен.

Пырля шуктымо пашан лектышыже эре сай, тидыжым кўрзе-влак эше ик гана пе‰гыдемденыт. Шукерте огыл чумыр вий дене Инак э‰ер гоч кўртньє-бетон кўварым ыштеныт. Ынде э‰ерын ик серже гыч весышкыже вольык кўтўлан лекташ, техникылан кошташ проблема пыта. Сергей Александрович шкенжын МТЗ-83 тракторжо дене материалым да плита-влакым шупшыктен.

- Е‰-влак дене пашам ышташ куштылго огыл, иктышт тўшка пашан кўлешлыкшым умылат гын, весышт верышт гычат огыт тарване, - ойла Сергей Александрович. - Кажне ийын шошым ял шўгарлаште субботникым эртарена. Кажне еш гыч тушто лишыл е‰ышт, родо-шочшышт курымашлык омо дене малат. Тўшка пашашке лекдыме-влак огыт умыло мо, вет тыгай койышышт дене нуно шке кугезыштым жаплыдымыштым ончыктат.

Субботниклаште чолган участвоватлыше-влак старостан тў‰ э‰ертышыже улыт. Ялыште илыше Геннадий Айметов, Мурзанаевмыт еш, Алексей Байгузин, Альберт Ибагишев, Руслан Мулюков, Вячеслав Ишмаев, Борис Ялаев, Елена Александрова, Елена Иванова, Елена Бикмурзина, Марина Бикмурзина, Диана Александрова да молат нимогай паша деч єрдыжеш огыт код.

- Шочмо ялым тўзатышаш верч чылан тыршена, - мутланымашке ушна Кўрзе сельсовет СП администраций вуйлатыше В. Бикмурзин. - Пашанам пырля шуктена. Староста - ответственный, пашам йєратыше улеш.

Сергей Иванов шкеж нерген ойлаш ок йєрате. Тудо - Кўрзе ялыштак шочын-кушкын. Школ деч вара армийыште служитлен. Армий деч вара шочмо ялышкыже пєртылын да колхозышто ышташ тў‰алын. 15 ий автобус дене коштын, а вара тракторыш шинчын. Тудо чыла пашалан уста улеш, шкеак механик, шкеак сварщик.

Пелашыже Людмила Аксаевна дене ўдырым ончен куштеныт, кызыт коча ден кувавам кок уныка куандара. Икмыняр ий ончыч Сергей Иванов шке пашам почын, калыклан пуым ямдылаш тў‰алын. Страховой взносын суммыжым кугемдымылан кєра шке пашам петыраш логалын.

Сергей Александровичын мутшо почеш, самырыкше годым ялыште илыш шолын, чылан пашам ыштеныт. Эрласе сай илышлан ўшаненыт. А кызыт е‰-влак икте-весышт деч торлаш тў‰алыныт, кє кузе мошта, туге илен тєча. Оптимизаций дене кылдалтше проблема кўрзе-влакымат тўкыде коден огыл. Пашам ыштен кертшыже вес кундемлашке коштыт, самырык-влак ял гыч каят, йоча шочмаш шагалемеш.

Сергей Александрович сельский поселений Советын 8-ше округ деч депутат улеш. Сайлыше-влакын наказыштым сайын шукта. Шке проблемышт дене толшо-влакат улыт, но утларакше шочмо ял верч тургыжланыше-влак вашлиялтыт. Кўрзеште телым пожарный машинам шогалташлан пожарный депом олмыкташ шонат. Культура пєртыштє кўваро‰ам вашталтыман, йоча садыште олтымо системым уэмдыман да моло паша-влакат ятыр погыненыт.

Сергей Иванов пашам ыштыме жапыштыже ик гана веле огыл Мишкан район администраций ден Советын Чап кагазше да Тауштыме серышыж-влак дене палемдалтын. Сергей Александровичын мутшо почеш, эн тў‰ награда - ял калыкын ўшанже.

Алена ГРИГОРЬЕВА.