Ял калык инициативым йєплен

Ял калык инициативым йєплен

Верысе инициативылан полшымо программа районыштына вийым налеш

Тений икмыняр ялыште тиде программа почеш тўзатыме паша шукталтын. Утларакшым корным ыштыме, уремым волгалтарыме, йоча площадка-влакым ыштыме паша-влак ышталтыт.

Тений Ардашышты ты программа дене водопроводым олмыктымо, Мишканыште Ишкинин уремыште корным ыштыме, Токтар уремым олмыктымо, Коракыште обелискым чо‰ымо.

Ял калыкын инициативыжым Кугу Соказа, Тымбай, Чорай, Ардаш, Ирсай да моло сельский поселений-влак кумылын авалтеныт.

…Кодшо кугарнян Лепешкан ялыште илыше-влак рўжге верысе тў‰алтыш школышко чумыргеныт.

Амалже - верысе инициативылан полшымо программыште участвоватлаш. Тиде ялыште корно укелык, уремым волгалтараш кўлмє, водопроводым ыштыме да моло проблемат ситыше.

Погынымашым почмо деч ончыч е‰-влак могай пашам эн ончыч шукташ кўлмым ка‰ашеныт. Вет государствын ойырымо да калык деч погымо окса шагал огыл чумыргышаш - ик миллион те‰ге. Конешне, программыш пурен кертыт гын.

Тиде программын пайдале могыржо нерген Мишкан проектын кураторжо, район администрацийын финанс управленийжын начальникше З. Шамсутдинова, райсоветын депутатше В. Байбулатов, Ардаш сельсовет администраций вуйлатыше Б. Байбулатов, Лепешкан ялын старостыжо В. Казимов ойленыт. Погынымаште инициативный группа ышталтын, ялым тўзатыме паша план палемдалтын. Ял калык тўшка погынымаште уремыште корным ышташ пунчалын.

Тиде кечын тыгайрак сынан погынымаш-влак Пєклендыште, Пўнчерыште да Йылышыште эртеныт.

В. КОНДОГИН.