Вуйлатыше чылалан пример лийшаш

Вуйлатыше чылалан пример лийшаш

Игорь Ибаев 10 ий Пўрємучаш школ директор лийын ыштен

Школ директорлан шке пашажлан уло жапше ден вийжым пуыман. Вет тудын вачумбакыже школысо уло паша возеш да тудак чылаланат мутым куча. 2006 гыч 2016 ий марте Игорь Алексеевич Ибаев Пўрємучаш ялысе школым вуйлатен. Жап вашталтеш, жап дене пырля – илышат.

Пўрємучаш школ тачысе кечылан Изи Накаряк кыдалаш школын филиалышкыже савырнен, но коллективым але мартеат Игорь Алексеевич

вуйлата. Тиде пашаште тудо шкенжым уста вуйлатыше, кумыла‰ден моштышо организатор семын ончыктен. Игорь Алексеевич туныктымо

пашамат моштен организоватла, педагогический коллективымат устан виктара – пашалан кумыла‰денат мошта, ка‰аш денат полшаш ямде улеш. Игорь Алексеевичын пашаже кажне кечын школ омса воктечын тў‰алеш – тудо школышко толшо йоча-влакым вашлиеш. Кажне йоча дене саламлалтеш, южо йочам мокталта, южыжлан замечанийым ышта. Тылеч вара тўрлє кагаз пашам ышта, а тудет школышто нимучашдыме шуко.

Тыге ынде ятыр ий эрта. Илыш ик корно денак шуйна, но паша арам огыл ышталтеш – кызытсе саманыште келге шинчымаш деч посна сай пашам муаш неле. Но организаторский усталыкше да психологийым сайын палымаш Игорь Алексеевичлан туныктышо-влакым пашаштым тыршен ышташ кумыла‰даш полша. Тудо туныктымо у йєн-влакым кучылташ ок лўд. Тидын годым школысо поро йўла ден туныктымо сай йєн-влакат тўткын аралалтыт.

Шке пашам йєратыман да алал кумылын ыштыман. Тунам тыйын тыршымет ден усталыкетым туныктышо-влакат, тунемше-влакат ужыт да

аклат. Сай организатор да туныктышо улмыжлан Игорь Ибаевым коллегыже-влак веле огыл, ял калыкат пагала. Тудо сельский поселений советын депутатше улеш, ялысе чыла пашамат виктара. Пашам сайын ыштымыжлан ик гана огыл тўрлє кўкшытан Чап грамота дене палемдалтын.

Игорь Алексеевич эртарыме урок-влак о‰ай да пайдале улыт. Тудо шкенжын предметшым пеш сайын пала, туныктымо тўрлє йєным кучылтын мошта. Тидлан кєра тунемшыже-влак келге шинчымашым налыт да туныктышыштым аклат да пагалат. Ятыр тунемшыже, школым икмыняр ий ончы пытарен гынат, тудын деке але мартеат ка‰ашым йодын мия. Талантан е‰ чыла пашаштат талантан улеш. Игорь Алексеевич нерген лач тыге каласаш лиеш. Тудо сайын сўретла, шиялтышым шокта, С. Есенин ден А. Бикын ятыр почеламутыштым наизусть пала, пу гычын мотор арвер-влакым ышта, спорт дене пе‰гыде кылым куча: теннис, шахмат, волейбол дене модеш. Школ-влак кокласе идалык еда эртыше «Тазалык» спартакиадыште теннис дене модмаште кажне ийын участвоватла да призовой вер-влакым налеш.

Ф. КАДИКОВА.