+13 °С
Облачно
Общие статьи
31 Декабря 2020, 21:00
Волонтерын кечыжым палемденыт
5 декабрьыште тўня мучко волонтерын кечыжым палемдат. Тудым 1985 ийыште ООН-ын Генеральный Ассамблейже учредитлен. Тидыже неле ситуацийыш логалше е‰-влаклан полшаш кумыла‰дышашлан ышталтын.
Волонтерын кечыжым палемденыт
Российыште тиде пайрем 2017 ий гыч палемдалтеш. РФ Президент Владимир Путин 2018 ийым волонтерын идалыкшылан увертарен. Марий гимназийыште тиде кечын туныктышо И. Силаева 10-11 класслаште тунемше-влаклан класс шагатым эртарен. Видеофильмым ончымо деч вара Ирина Александровна волонтерствын шочмо историйже дене палдарен. Команда-влаклан шелалтын, ўдыр-рвезе-влак тўрлє заданийлам шуктеныт: порылык нерген калыкмутым шарналтеныт, тиде ойын мом ончыктымыжым рашемденыт, волонтер лияш полшышо амал-влакым ончыктышо спискым ыштеныт. «Мом ме ыштен кертына» ямдылыме проект конкурс дене мероприятий иктешлалтын. Икымше команда «Приютысо животныйлан полыш» проектым ыштен, кокымшо команда - «ОВЗ черан йоча-влаклан полыш». Класс шагатын лектышыжым тунемше-влак шке иктешленыт: пырляште вий, кажне волонтер лийын кертеш.
О. МИКИТОВА, Чорай ялысе Я. Ялкайн лўмеш гимназий директорын воспитатлыме паша шотышто заместительже.
