Виян лияш илыш полшен

Виян лияш илыш полшен

«Илышым илен эртараш пасу гоч вончымо гай огыл» - ойлат калыкыште. Тидыж дене кажне е‰ын илыш корныжо тўрлє, пўрымашыже куштылго огыл улмым каласаш тыршыме.

Марфа Андреевна Шамуратова - пиалан айдеме. Юмо тудлан кужу ўмырым пуэн. Февральыште 90 ийым тема. Тудо Пєкленде

ялыштак шочын да илышын кужу ужашыжым туштак илен эртарен.

Шочмо ялже тудым эре шкеж деке шупшын, вет тыште тукымвожшо иланен, тыште кугезыже-влак курымашлык омо дене малат, шкеж

деч вара шочшо-влакат тыштак тоялтыныт. Лач тиде ялым шарналтыме годым шо‰го ўдырамашын шинчаже вўдыжга. Кушто гына тудо илен огыл - Шаде Шогертеныште (тушко марлан лектын да кум ий гыч шочмо ялышкыже пєртылын), Ардашыште (колхозышто ик эн ончыл пашае‰ лийын) Чорайыште, но садак шочмо ялышкыже пєртылын.

Марфа Антоновнан йоча пагытше неле лийын. Вич йочам (тудо кумшо лийын) ава шкетын йол ўмбаке шогалтен. Ачашт нелын черланен да илыш гыч вашке каен. Кочкаш, чияш лийын огыл, сандене Марфа ныл классым гына тунемын. Вара авалан сурт сомылым ышташ полшен, шольыж ден шўжаржым ончен. Ынде нуно уке улыт, еш гыч Марфа шкетын веле илыше улеш.

- Мылам, очыни, - манеш Марфа, - илыш гыч кайыше шочшем-влак олмешат Юмыжо ўмырым пуэн.

Марфа 11 ияш улмыж годым колхозышто пашам ышташ тў‰алын. Тўрлє пашам ышташ пернен, но шукыракшым шорыкым кўтен. 13 ияш улмыж годым сар тў‰алын. Тунам моло дене пырля эр гыч кас марте пашам ыштен. Сар деч вара вербовка дене ик гана веле огыл вес районлашке чодырам ямдылаш коштын, 2 гана Свердловск областьыште торфым лукмаште лийын, Уфаште мланде шўйым да чо‰ышаш материал-влакым вагон гыч ястарен. Кужу жап колхозышто презым ончен. Ондак Пєклендыште, вара Ардашыште да Чорайыште. Марфа Антоновна шочшо презе-влакым пукшымо методикым сайын пален. Тудын ончымо презыже-влак колен огытыл, а нелгытым писын погеныт. Сандене фотографийже эре Почет о‰аште кечен.

Кужу жап пашам тыршен ыштымыжлан Марфа Антоновна «Пашан ветеранже» медаль дене палемдалтын. Тиддеч посна тудын «За доблестный труд в Великой Отечественной войне 1941 - 1945 гг.» медальже уло. Эше Се‰ымашлан 30, 40, 70 ийла темме вашеш лукмо юбилейный медаль-влак дене наградитлалтын.

Марфа Антоновна кок икшывым ончен-куштен. Володя эргыже Чорайыште илен да пашам ыштен. Чаманаш веле кодеш, кызыт Володя шкежат, тудын кок икшывыжат илыш дене чеверласеныт. Тиде ойго Марфа Антоновнан тазалыкшым луштарен, сандене Зинаида

ўдыржє шкеж деке Уфашке на‰гаен. ™дыржын кок икшывыже - Катя ден Ирина кушкыт. Нуно кувавам шке се‰ымашышт дене куандарат. Марфа Антоновна шке илышыже, ойгыжо да куанже нерген вашкыде каласкала. Тудым ончет да єрат, тынар ийым илен, а ушыжо тугай яндар, чыла шарна.

Шочмо кечет дене Марфа Антоновна. Тазалыкым да чолгалыкым, эше шуко-шуко гана эр ўжарам вашлияш тыланена.

П. АНДРИАНОВА.