Ветеран-влакым жапленыт

Ветеран-влакым жапленыт

Пайрем концертым ончыктеныт

Флорид Буляков лўмеш 1 №-ан лицейыште тунемше-влак Ирсай ялысе «Еш» социально обслуживаний рўдерыш миеныт.

Школ директорын воспитатлыме паша шотышто заместительже Г. Алексееван, музыкальный вуйлатыше В. Ахмадееван, класс вуйлатыше А. Валиеван вуйлатымышт почеш самырык артист-влакын бригадышт Ирсай сельсовет сельский поселенийыш тарваненыт.

Пансионат зданий воктене нуным Анфиса Гарейшина вашлийын. Йоча-влак тўшкан залышке пуреныт, а тушто нуным пансионатыште илыше 17 шо‰го е‰ вучен.

Йоча-влак яра кид дене миен огытыл, а пансионатыште илыше-влаклан сылне концерт программым намиеныт. Пайрем концертыште муро, куштымаш, тошто, мондалтше арвер-влак нерген тушто да моло номерат йо‰галтыныт. Мучашлан Г. Алексеева шо‰го е‰-влакым пайрем дене саламлен, а йоча-влак шке кидышт дене ыштыме пєлекым кучыктеныт.

Г. АЛЕКСЕЕВА.

Пайрем лўмеш открытка

Кажне ийын 1 октябрьыште ме илалше е‰-влакым жаплена. Мишкан селасе «Самырык гвардийын» активистше ден волонтер-влак Мишканыште илыше пенсионер-влакым Илалше-влакын кечышт дене саламленыт. Нуно илалше-влаклан пе‰гыде тазалыкым да тыныс илышым тыланыман открытка-влакым кучыктеныт.

О. БИКТУБАЕВА.

Ветеран-влакым жапленыт

Мишкан селасе «Ласточка» йоча садыште дошкольный пашае‰ын кечыжлан лўмлалтше эрводо эртен. Тушко ветеран-педагог-влак А. Ахунзяновам, А. Саркиевам, М. Букаревам ўжыныт. Тиде кечын йоча садыш коштшо-влак да нунын воспитательышт артистат, ончышат лийыныт: мурым муреныт, почеламутым ойленыт, куштеныт.

Йоча садыште пашам ыштыше да ветеран-влаклан чылаштланат пеледышым кучыктымо. Кугурак тукым лўм дене пашан ветеранже Альфия Миннегалеевна Ахунзянова выступатлен. Тудо «Ласточкын» воспитанникше-влаклан тазалыкым тыланен, шке йоча садым йєраташ да тушко кумылын кошташ ўжын, воспитатель-влаклан пашаштышт се‰ымашым тыланен.

Мероприятий чай йўмаш дене пытен.

Н. ЯШМУРЗИНА,

музыкальный вуйлатыше.