Вашталтышым вучена

Вашталтышым вучена

9 сентябрьыште Башкирийыште БР Государственный Погын – Курултайыш депутат-влакым сайлымаш эртен

Мишкан районысо калык сайлымашке чулымын ушнен. Сайлымаш кузе эртыме да калык тудын деч мом вучымо нерген мемнан корреспондентна-влак возат.

Кандаш шагат эрдене Мишкан районышто 44 сайлымаш участок почылтын. Комиссийын членже-влак икымше сайлыше-влакым алал кумылын вашлийыныт. Территориальный сайлымаш комиссийын данныйже почеш, районыштына сайлыше-влак спискылашке 19090 е‰ым пуртымо.

Урьяде сельский поселенийыште тукым-влак кокласе кыл 2645 №-ан сайлымаш участкыште Урьяде, Сабай, Башбайбак яллаште илыше-влак

сайлат – чылаже 358 е‰. 10.00 шагатлан сайлыше-влакын 14,5 процентше йўклен. Ты жаплан суртышто йўклаш 22 йодмаш пурен. Йўклаш эн ончыч пенсионер-влак вашкеныт. Ильмира ден Рашит Чураевмыт ик сайлымашымат огыт кодо. Нуно тиде пашам моткоч кўлешанлан шотлат.

Ончыл радамыште тыгак Урьяде сельский поселенийысе ветеран-влак советын председательже Махтумя Миргалиева да ялын ик аксакалже, пашан ветеранже Гадинур Галинуров лийыныт.

Урьяде сельсовет сельский поселенийыште Кугу Отечественный сарын ик ветеранже гына илыше. Тимергали Гильманшин эше чулым улеш да уш-акылжат яндар. 90 ийым темен гынат, сайлымашке шкак миен. Сар тул вошт эртыше ветеран пўтынь калыклан тыныс илышым тыланен:

- Тў‰жє, сар ынже лий, - каласен Тимергали Гильманшинович, - молыжо чыла мемнан кидыште. Таче ме тыныс илыш верч йўклена.

Пагалыме ветеран-влакым патриот шўлышан самырык е‰-влак вашталтат. Шукерте огыл Урьяде ялыште илыше Фанис Бикбулатовлан 18 ий темын. Шошым армий гыч пєртылшє изаж дечын примерым налын, тудо Россий Федерацийын Вооруженный Вийыштыже служитлаш

ямдылалтеш. 18 ийым темымеке, тудо сайлаш правам налын. 2645 №-ан сайлымаш участкыште тудын дене пырля икымше гана эше кок самырык е‰ йўклен.

Комиссий председатель Фалгат Сафаров Фанис Бикбулатовлан салам серышым да изирак пєлекым кучыктен.

Кемий сельский поселенийыште калык чолга да спорт дене пе‰гыде кылым куча

2647 №-ан сайлымаш участок Бабай ялыште верланен, спискышке 168 е‰ым пуртымо. Сайлыше-влак участкышке эрдене эрок мияш тў‰алыныт – 8.30 шагатлан 15 е‰ йўклен шуктен. 14.00 деч вара комиссий член-влак тазалыкштлан кєра суртыштышт сайлаш йодмашым

возышо-влак деке каеныт.

УИК-ын председательже Роза Амирован мутшо почеш, ял калык сайлымаште чолган участвоватла. 15.20 шагатлан сайлыше-влакын 70 процентше йўклен.

2648 №-ан сайлымаш участкыштат паша эрдене эрок тў‰алын. Участковый сайлымаш участкын спискышкыже Кемий ден Руш Байбак яллаште илыше 617 е‰ым пуртымо. 16.30 шагатлан сайлыше-влакын 40 процентше йўклен. Участкыш миен кертдыме 42 е‰ деке комиссийын членже-влак шке миеныт.

Тиде участкыште икымше гана йўклышє вич е‰ым спискыш пуртымо. УИК-ыште шым е‰ ышта. Нуно чыланат кугу опытан улыт да сайлымаш кампанийым кузе эртараш сайын палат.

Виш омса кечын мини-футбол дене модмаш

9 сентябрьыште чыла вереат, манаш лиеш, Виш омса кече эртаралтын. Кемий ден шогертен-влак чолгалыкышт да спорт дене пе‰гыде кылым кучымышт дене ойыртемалтыт. Нунын коклаште эртыше спортивный та‰асымашлаште эре чолга кучедалмаш ылыжеш.

Тений Виш омса кече кышкарыште самырык-влак мини-футбол дене модыныт. Юмылан тау, игече келшыше шоген – кече канде каваште шыман шыргыжын ырыктен. Ончышо-влаклан модмаш келшен – ик гол почеш весе пурен. Модмаште кемий-влак 5:2 дене се‰еныт.

БР-се культурын заслуженный пашае‰же Равия Саматова эрок йўклен

Равия Саматова сайлымаште участвоватлымым гражданский порыслан шотла. Тидлан кєра тудо 2653 №-ан сайлымаш участкышке эрдене эрок миен. Тылеч вара тудо агитбригада дене пырля Уялышке каен – тушто Виш омса кече кышкарыште о‰ай концерт программым ончыктымо. Равия Саматовам ончышо-влак шокшын вашлийыныт да выступленийже деч вара совым рўж кыреныт.

Фирдаус КАДИКОВА.

• • •

Эн ончыч илалше-влак йўкленыт

2654 №-ан избирательный участок Мишканыште рўдє районный библиотека зданийыште верланен. Участкыште комиссий опытан специалист-влак гыч чумыралтын, нуно икана веле огыл тунеммашым эртеныт.

Участковый избирательный комиссийын председательже А. Иванова чылаштым тиде пайрем кече дене саламлен да йўклаш тў‰алме нерген увертарен.

Южо е‰же, рушарня гынат, шке сомылжо дене вес кундемыш тарвана, шукышт паре‰гым лукнешт, сандене комиссий почылтмо годым нуно уже омса воктене шогеныт. Нунын коклаште илалше-влак шукын лийыныт. Эн ончычак шке гражданский порысшым Р. Набиуллина шуктен. Тудлан шарнымаш пєлекым кучыктымо.

Сайлаш толшо-влак кидышкышт кок бюллетеньым налыныт: иктыже ик мандатан округ-влак гыч кандидат-влак дене, весыже - политический партий-влакын спискышт. Тазалык начарлан кєра 28 е‰ сайлаш мє‰гыштыжє йєным ышташ йодмашым возен.

Комиссий член-влак Н. Карелина ден И. Айбердина кечывал деч вара нунын деке лектыныт. Сайлымаш нерген закон дене келшышын, тўрлє кандидатын, партий-влакын эскерышышт избирательный участкыште лийыныт.

Икымше гана йўклаш толшо-влаклан 9 сентябрь поснак шарнымашеш кодын, очыни. Нунылан тауштыме серыш ден шарнымаш пєлекым кучыктымо.

Алена ГРИГОРЬЕВА.

Рекорд уло! Изи избирательный участок-влак коклаште шке шотан рекордым Уялыште верланыше 2651 №-ан избирательный участок

ончыктен. Тудым самырык, но опытан специалист Л. Арсентьева вуйлата. Комиссийын пашажым секретарь Г. Бикмурзина моштен виктара. Эн ончычак йўклаш Уял гыч медпашае‰ Л. Климина да Памаш гыч Ю. Валеев толыныт. Тудо вахта йєн дене йўдвел кундемыште пашам ышта, тиде гана мє‰гыштыжє йўклен кертын.

11 шагат эрденлан йўклышє-влакын 40 процентше шке конституционный порысшым шуктен.

Икымше гана йўкленыт

Тений БР Госпогыннымашыш сайлымаште 2656 №-ан (1 №-аy лицей) избирательный участкыште 8 е‰ икымше гана йўклен. А 2653 №-ан (2 №-ан школ) участкыште 6 е‰ икымше гана шке йўкшым пуэн. Тушко эн ончычак йўклаш райцентрыште илыше, пожарный службын ветеранже Р. Лутфиев да вате-марий Яникеевмыт миеныт.

Эн самырык да эн илалше сайлыше-влаклан шарнымаш пєлекым да Мишкан сельсоветын тауштыме серышыжым кучыктымо.

Посна тўткылыкым ончыктымо

Пытартыш ийлаште инвалид сайлыше-влаклан поснак кугу тўткылык ойыралтеш. Нунылан лўмын пандусым келыштарыме да посна кабиным ыштыме. Вет мыланна мондыман огыл, инвалид-влак илышыште эн аралалт кертдыме улыт.

Виш омса кече

Сайлымаш кечын чыла вере «Виш омса кече» эртен. Сайлыме участкыш толшо-влак самырык артист-влакын выступленийыштым ончен кертыныт. Поснак 1 №-ан лицейын самырык артистше-влакын выступленийышт шарнымашеш кодын.

Музей почылтын

Ф. Буляков лўмеш 1 №-ан лицейын музейже кумда йєнжым эше ик гана ончыктен. Сайлымаш кечын драматург Флорид Буляковлан лўмлалтше выставка пашам ыштен. Музейыште драматургын личный арверже-влак, рукописьше, национальный вургем, суртышто

кучылтмо ўзгар-влак погалтыныт. Музейым историйым туныктышо Р. Мусина вуйлата да шкежак экскурсийым эртара. Лицейыште туныктышо да тунемше-влакын эн сай портфолио выставкышт шуко е‰лан келшен.

2656 №-ан избирательный участкын секретариатшын уверже почеш, кечываллан сайлыше-влакын пелыже наре шке йўкшым пуэн.

Самырык-влак пашам ыштат

Тенийсе Башкортостан Республик Государственный Погын - Курылтайыш сайлымашым эртараш 2653 №-ан избирательный комиссий шке составшым тўрыснек вашталтен. Ончычсо состав гыч лач А. Яманаева гына кодын. Таче тудо избирательный комиссийым вуйлата. Вуйлатышын мутшо почеш, комиссийыште ыштыше-влак И. Аликаева, В. Ибагишева, Э. Агеев, И. Ижбулдина, С. Гизитдинова, Е. Яваева, И. Валиахметова шке пашаштым сайын шуктеныт. 12 шагат кечывалым йўклышє-влакын пелыже утла сайлымаште лийын.

Законым да порядкым аралымаште Молыгунамсе семынак Мишкан ОВД-н пашае‰же-влак, вес район ден олала гыч ешарен колтымо полиций-влак дене пырля, законым да правопорядкым аралыме пашаштым ўшанлын шуктеныт. Сайлымаш тыныс эртен.

Вениамин КОНДОГИН