Вўд воктене сак лийман

Вўд воктене сак лийман

Вўд воктене каныме годым шкем кузе кучаш кўлмє нерген Башкортостан Республикын чрезвычайный ситуаций шотышто государственный комитетын председательже Фарит Гумеров каласкала.

Республикыште шокшо озаланаш тў‰алын, сандене шуко е‰же яра жапшым вўд воктене эртараш тырша. Тидын дене пырля вўдыштє лийше э‰гек-влак шукемыт. Чаманаш веле кодеш, вўдыш пурен кайыше-влак коклаште йоча-влакат улыт. Сандене ме лудшына-влаклан вўд воктене шкем кузе кучаш кўлмє нерген уэш ик гана ушештарена.

- Фарит Рифович, вўдыштє лийше трагический случай-влакын ойыртемышт могай?

- Эн ончычак каласен кодаш кўлеш, е‰-влакын вўдыш пурен каен колымышт эн чот июль тылзылан логалеш. Тидыже ты тылзын эн шокшо улмыжо, е‰-влакын отпускышт да каникулышт улмо жапышт дене кылдалтын. Идалык мучко вўдыштє колышо-влакын чотышт гыч пелыже утла июль тылзылан логалеш. Мутлан, тений июльын икымше кечыштыже республикыште 6 е‰ колен. Кокымшо, ке‰ежым транспортный средства дене вўдыш шу‰галтмаш шукемеш. Кодший Хайбулла районышто кум е‰ан еш легковой автомашина дене Таналык э‰ерыш пурен каен. Кумшо, э‰ерыште трагический случай-влак колым кучымо годым лийыт. Идалык тў‰алтыш гыч уже ныл колызо вўдыш пурен каен колен. Нунын коклаште иктыже Краснокам район гыч лу ияш рвезе лийын. Сандене вўд воктеке канаш кайыме годым, шкем кузе кучаш кўлмым сайын палыман.

- Июль - йўштылмє жап. Могай амаллан кєра е‰-влак дене трагический случай-влак ты жапыште шуко лийыт?

- Вўдыштє лийше трагедий-влакын тў‰ амалышт - йєнештарыдыме верыште йўштылмаш, йўшє вуя вўдыш пурымаш, шке вийлан утыж дене ўшанымаш, вўдыштє шкем кучаш кўлмє правилым шотыш налдымаш, йоча-влакым шкетыштым вўд воктене кодымаш. Тений Уфаште Теплое ерыште 9 ияш рвезе шкетын йўштылаш пурен да колен. Вес пример, тидыже кодший Аургазинский районышто лийын. 8 да 9 ияш йолташ ўдыр-влак кугые‰-влак деч посна Уршак э‰ерыш йўштылаш каеныт. Мучаш трагедий дене пытен.

- Йўштылмє сезонышто э‰гек ынже лий манын, профилактический паша кузе шындалтын?

- Республикысе э‰ерлаште 75 оборудованный пляж почылтын. Нине пляжлаште утарыше-влак дежуритлат. Мутлан, Уфаште тыгай верлаште уже 30 е‰ым утарыме. Спасатель-влак кажне кечын республикысе кугу э‰ерлашке рейд дене лектыт. Нуно иктаж вере «дикий пляжым» ужыт гын, тушакын жаплан спасательный постым почыт. Профессиональный спасатель-влак деч посна эше общественный спасатель-влак пашаш ушалтыт.

Вўд воктене каныше-влаклан вўдыш пурен кайышым кузе утараш лийме да икымше полышым пуымо нерген умылтарыме паша-влак шукталтыт.

Профилактический пашам намийымын лектышыже уло. Мутлан, 2012 ийыште вўдыш пурен каен колышо 122 е‰ лийын гын, 2017 ийыште тиде показатель 93 е‰ марте волен.

- Мемнан чрезвычайный ведомство лўдыкшє йўштылмє вер-влакым учетыш налеш мо?

- Йўштылмє сезонышто утларакшым Ош Виче, Дема да Ик э‰ерлаште колат. Тений Ош Вичыште уже куд е‰ колен. Республикысе э‰ерлаште вўдыш пурен каен колышо-влакын 55 процентше логалеш, а молышт ер, пўя да карьерлаште колат.

Вўдыш пурен каен колышо-влак коклаште эн шукыжо пєръе‰-влак - 85 процент. Кодшият тыгаяк сўрет лийын: 80 пєръе‰, 5 ўдырамаш, 8 йоча колен.

- Вўдыштє туткарыш логалаш огыл манын, шкем кузе кучыман?

- Э‰ерыште, ерыште, пўяште да моло вере йўштылаш пурымо деч ончыч палыдыме верлаште да йўштылаш чарыме верлаште вўдыш

пураш огеш кўл. Йўшє вуя йўштылаш ида пуро. Шкетын ида йўштыл, палыдыме верлаште вўд йымак ида воло, вўд воктене йоча-влакым шкештым ида кодо.

Фирдаус КАДИКОВА.