Уэмдыме школыш

Уэмдыме школыш

Чорай ялысе Я. Ялкайн лўмеш марий гимназийын филиалже Пєкленде ялысе тў‰алтыш школышто тунемше-влак «Раш паша» проектлан кєра у тунемме ийым у леведышан школышто тў‰алыныт.

Единоросс-влакын ойырымо 141 тўжем те‰ге окса да ял калыкын тыршымыж дене школ леведышым йєршын уэмдыме. 630 квадратный метр кумдыкан леведыш, пу конструкцийжыге, уэмын.

Ял калык, йоча да туныктышо-влак Башкортостан Республик Государственный Погын - Курултайын 38 №-ан ик мандатан Прибельский избирательный округын депутатше Д. Мусабировым, район администраций вуйлатышын икымше заместительже, ял озанлык отделын начальникше В. Михайловым да молымат шокшын вашлийыныт.

Р. Мусабиров выступатлышыжла тиде социальный объектын ял калыклан пеш кўлешан улмыжым палемден да ты суапле пашам шуктымаште тыршыше-влаклан таум каласен, йоча-влаклан сайын тунемаш, ача-ава-влакым сай оценка дене куандараш да шочмо элнан чын гражданинже лияш тыланен.

- Палемден кодаш кўлеш, Чорай сельсовет сельский поселенийыште «Раш паша» республиканский социальный проект кышкарыште Чорай Культура пєртын, йоча садын, Пєкленде школын леведышышт уэмын, - каласен шке выступленийыштыже Чорай сельсовет СП администраций вуйлатыше Галина Саймулукова. - Кум ий жапыште 2340 квадратный метр кумдык леведыш уэмдалтын, тидлан 760 тўжем те‰ге кучылталтын, тушечын 600 тўжем те‰гежым республика пуэн, пашан 30 процент акшым ял калык петырен.

Чо‰ымо пашаште Пєклендыште илыше шуко е‰, йоча-влакын ача-авашт, туныктышо-влак чот тыршеныт. Чумыр пашам кок кече жапыште шуктеныт. Леведышым вашталтымаште чылаже 30 е‰ тыршен. Пашаште ойыртемалтше М. Гайнутдиновлан, А. Ямидановлан, О. Аплекаевлан, А. Петровлан, А. Ибутаевлан, В. Назмиевлан, В. Янгубаевлан, Б. Кутлукаевлан, В. Минилбаевлан, А. Янгубаевлан да молыланат тауштыме серышым «Единый Россий» партийын верысе исполкомжын вуйлатышыже С. Исмагилова кучыктен.

Я. Ялкайн лўмеш марий гимназийын директоржо Игорь Андреев Пєкленде ял калыклан таум каласен.

Тунемше-влак ончыктымо сылне концерт, литературный монтаж кажнын чонжым савырен.

А. ГРИГОРЬЕВА.