У корнан лийыныт

У корнан лийыныт

Ардаш сельсоветысе Лепешкан ял Бурай граница воктене верланен. Райцентр деч моткоч тораште улеш. Тушто е‰-влак шке куанышт да проблемышт дене илат. Райцентр деч тораште улыт гынат, ял ок изем, самырык-влак олашке огыт кай, а, мє‰гешла, ялыште у суртым чо‰ат, илалше-влак шке оралтыштым тўзатат. Вет тыште эре яндар юж, мотор пўртўс.

Корным эре кундемын экономикыжым вия‰дыме артерийлан шотленыт. Икмыняр ий ончыч ял марте пеш чапле корным ыштыме. Бурай ПМК-6 организацийын корным ыштышыже-влак, тендерым се‰ен налын, «Социальное развитие села» Федеральный целевой программа дене Ваксола ден Лепешкан коклаште 2,5 километр кужыт сай качестван корным ыштеныт. Нуно кугу пашам шуктеныт: насыпьым нєлталыныт, грунтым, гравийым, щебенкым шупшыктеныт, лўдыкшє участкылаште огражденийым шогалтеныт.

Тений лепешкан-влак урем корным тєрлаш пижыныт. Ял калык погынымаште Верысе инициативылан полшымо программыш пураш кўлмє йодышым тарватеныт. Инициативный группа ышталтын. Тушко Эльвира Алпаева, Василий Казимов, Дмитрий Шайбаков, Антонида Яндуганова да молат пуреныт. Спонсор полышым индивидуальный предприниматель, крестьян-фермер озанлык вуйлатыше Анатолий Ильтубаев пуэн.

Программа почеш 1 миллион те‰гем ойырымо. Ял калык шкеже оксам поген. Тендерым се‰ен налше «СтройПром-сервис» чо‰ышо организаций (Красный Холм поселок гыч) сентябрь тў‰алтышыште пашам тў‰алын. 7 единица техникым кондымо: 4 КамАЗ машина, грейдер, экскаватор, каток.

Уремыште корным ыштымым ял калык шукертак вучен. Ялын ик шо‰го е‰же Павел Калямшин корнын качествыжым текшырен, корным ыштыше-влаклан пайдале ка‰ашым пуэн. Мишкан район муниципальный район советын депутатше В. Байбулатоват шке землякше-влакым ок мондо. Тудо икана веле огыл ялышке толын, спонсор полышым ончыктен.

- Лепешкан ялыште корным Центральный, Мир, Луговой, Молодежный уремлаште ыштыме, - ойла Ардаш сельсовет сельский поселений вуйлатыше Б. Байбулатов. - Кодший Верысе инициативылан полшымо программыште ардаш-влак участвоватленыт, ялыште водопроводым чо‰ымо. Вес ийлан ты программыште ваксола-влак участвоватлаш шонат. Тушто уремыште корным ыштынешт. Тиддеч посна сельский поселенийышке пурышо кажне ялыште йоча-влаклан модмо площадкым ышташ палемдыме.

Алена ГРИГОРЬЕВА.