Тургым жап

Тургым жап

Михаил Белоусовын озанлыкыштыже кургым ямдылыме паша шолеш

Тений «Белоусов М. Н.» КФХ-н пасуштыжо, а тудет Новотроицкий сельсовет сельский поселенийыште верланен, шудо сайын кушкын. Игечат кургым ямдылаш келшыше шога.

Крестьян-фермер озанлыкыш мийымеке, ме тудын озаже Михаил Белоусовым техникым олмыктымо мастерскойышто учырышна – тушто шурным погышо «Енисей-1200» комбайным олмыктеныт.

- Чаманаш кодеш, ялыште комбайнер-влак кодын огытыл, - ойла Михаил Белоусов. – Мый идалык еда шурным погаш Балтач район гыч Ильхам Миннегалиевым ўжам. Тудо мылам кудымшо ий полша. Тений Ильхам шкетын огыл, а эргыж дене пырля толын. Комбайнышке кеч-могай механизаторым шындаш ок лий. Комбайн тиде – ораван завод, тудым сайын виктарен моштыман. Сай комбайнер лияшлан лу ий наре полышкалыше лийын коштман.

Озанлык вуйлатышын мутшо почеш, лектыш тений икмарда лийшаш, но кодшийсе дечын сайрак. Шукияш шудо (тимофеевка ден мўйшудо) сайын кушкын. Но кургым варарак ямдылаш тў‰алме: косилкым жапыштыже олмыктен кертын огытыл. Олмыктен пытарымеке, игече пужлен.

Кызыт пасушто паша шолеш. Шудым Алексей Казаков (КПС-5Г косилка) сола, рулон-влакым Юрий Дронь ден Сергей Казаков (ПР-145С пресс-подборщик) прессоватлат. Рулон-влакым Виктор Накаряков Т-150 трактор дене шупшыкта, Константин Пантелеев ТО-30 погрузчик дене иквере чумырен опта. Тачысе кечылан 2000 утла рулон шудым ямдылыме.

Кажне ушкаллан 30 центнер пе‰гыде кургым ямдылаш палемдыме. Чылаже 3000 утла рулоным ямдылаш кўлеш. Игече сай шога гын, эше 1000 рулоным аныклаш тыршат. Вольык электропече коклаште коштеш. Тудын тўзык улмыжым оператор-влак Андрей Кокотов ден Николай Кокотов эскерат.

Пашае‰-влаклан кажне кечын шокшо кочышым пукшат. Нунылан уста повар Татьяна Пантелеева шолта.

- Илышын эрла могай лийшашыжым раш каласаш ок лий. Таче ик тўрлє гын, эрлалан йєршын вашталтын кертеш, - ойла Михаил Николаевич. – Чўчкыдын шонымашна йонна дене келшен ок тол. Коклан йўлышє-шўрымє материалым жапыштыже конден она шукто. 25 ий пашам ыштыме жапыште тиде ий окса шотышто эн неле улеш. Ял озанлык продукцийлан ак 2003 ий гыч вашталтын огыл, манаш лиеш, а дизельный топливо икмыняр гана шергештын. Шылым перекупщик-влаклан ужалена. Жап укелан кєра тиде – тачысе кечылан эн сай йєн. Юмылан тау, пасу ден фермыште пашам ышташ келшыше е‰-влак эше улыт. Пашае‰-влак, чыланат манаш лиеш, Новотроицкийыште илат.

Нелылык шуко гынат, Михаил Белоусов пашажым кудалташ ок шоно. Тудо механизатор-влак дене пырля техникым, фермым олмыкта. Сай оза тора гычак коеш: ферма, техникым олмыктымо мастерской йыр шўкым солымо, пасушто пашам ыштыдыме техника арулыкышто кучалтеш да радам дене шога. Техника, кредит полшымо дене гынат, уэмдалтеш, вольык чотат арта. Тў‰жє – Новотроицкий ял калыклан паша вер-влак улыт.

Алена ГРИГОРЬЕВА.