Туныктышо лияшак шочын

Туныктышо лияшак шочын

Педагог-влакын профессиональный пайремышт вашеш ме икшывына-влакын туныктышышт нерген каласкалынена

Тудо - Гульнара Гасимовна Курбанова. Чын педагог могай лийшаш, тудын чыла уло: талант, чон шокшо, уш, тўткылык, чытымаш да мучашдыме вий-куат. Мемнан икшывына-влак пиалан улыт, вет нуным тыгай сай туныктышо туныкта.

Гульнара Курбанова 9 класс марте Кемий кыдалаш школышто тунемын. Вара 1 №-ан Мишкан кыдалаш школыш педагогический классыш толын. 1998 ийыште Бирский педагогический институтын «Педагогика и обучение начальных классов» факультетшым тунем пытарен да тў‰алтыш класслаште туныктышо специальностьым налын. Институт деч вара Кемий школыш пєртылын, пионервожатый лийын, завучын пашажым шуктен, вара 4 ий Йоча-юношеский туризм рўдерыште методистлан ыштен. 2005 ийыште Пионер да школьник-влак пєртын директоржылан шогалтеныт. 2011 ий гыч 2 №-ан Мишкан кыдалаш школышто туныкта.

Гульнара Гасимовна - высший категориян туныктышо. Паша стажше кугу гынат, шинчымашыжым таче марте шуарен шога.

…Кажне кечын туныктышо мемнан йочана-влакым шыргыж вашлиеш. Кажныжым тўткын эскера, кажныжлан полшаш тырша. Йоча-влакым эскерен мошташ, шке семын пашам ышташ туныкта. Тудын урокшо-влак о‰айын эртат. Туныктышо икшывына-влакым лудаш да возаш гына огыл, а нелылыкм се‰ен мошташ, йолташ дене келшен илаш туныкта. Кажне кечын шинчымаш тўнян у лаштыкшым почеш. Тудо шке тунемшыже-влакым чын лияш, пашам йєраташ, кугые‰ым пагалаш, изиракым жаплаш туныкта. Шкеже пеш поро чонан, но тыгодымак пе‰гыдын йодшан улеш. Мыланна, ача-ава-влаклан, поро ка‰ашым пуа.

Ме, 4 «б» классыште тунемше-влак да нунын ача-авашт, йєратыме икымше туныктышыланна пе‰гыде тазалыкым, чытымашым, се‰ымашым тыланена. Тек тендам кеч-куштат пагален вашлийыт, вет туныктышын профессийже илышыште эн почетан да тыгодымак эн неле лийын да кодеш. 4 «б» классыште тунемше-влаклан те ўмыр мучкылан эн йєратыме икымше туныктышо лийын кодыда.

2 №-ан Мишкан кыдалаш школышто 4 «б» классыште тунемше-влак да нунын ача-авашт.