Туныктышо гыч чонымо пашашке

Туныктышо гыч чонымо пашашке

Чорай ялыште илыше ик уста чо‰ышо Михаил Юзукаевич 80 ияш юбилейжым палемда манын каласыштат, тудын дене вашлияш кумыл лекте. Вет жапыштыже тиде е‰ нерген шуко поро ойым колылтын.

Теве ме Чорайыште улына, кудывечыште пий уло-укем шекланенрак пурена. Ончылнем илалше, но эше моткоч чолга е‰. Порын шыргыжалын саламлалте да шинчаш ўжє. Мутланымаш гыч теве мо рашеме.

Михаил Юзукаевич Пўрє районысо Кужнур ялыште шочын. Аваже Марзина, Мишкан районысо Маевка ял гыч Кужнурыш Юзукайлан марлан лектын. Васильевмыт колхозышто пашам ыштеныт, ешыште 9 йоча лийын. Михаилын школыш кайымыж деч ончычак еш Маевкыш илаш куснен. Ачаже у верыште имне кычкыме ўзгарым ямдылаш тў‰алын. Тыгай е‰-влакым шорник маныныт. Аваже колхозышто шала пашаш коштын. Тў‰алтыш школ деч вара Михаил Чорай школышто тунемын. Шым класс деч вара «Ильич» колхозышто пашам ышташ тў‰алын.

1956 ийыште рвезе Ульяновск оласе ФЗО-шко тунемаш пурен. Тушто корным олмыктымо шотышто бригадирлан тунемын, но налме профессийже дене пашам ыштен шуктен огыл - армийыш налыныт. Ракетный войскаште служитлен.

Кум ий гыч Михаил Васильев шочмо кундемышкыже пєртылын. Ик жап гыч школыш завхозлан пурен, кастене тунемме школышто кыдалаш образованийым налын. 1961 ийыште Ардаш школышто труд урокым намияш тў‰алын. Тыгодымак Пўрє педагогический институтыш физика да математика факультетыш заочно тунемаш пурен. Куд ий школышто математикым туныктен, но ты паша

чонжылан келшен огыл… Сандене Саратовский строительный техникумышто заочно тунемын. Ныл ий гыч тудым Чорай МСО-шко (межколхозный строительный организаций) мастерлан шогалтеныт. Тиде конторым вара Мишканыш ушеныт, а кок ий гыч уэш ойыреныт.

Михаил Юзукаевичым Чорай участкын кермыч завод начальниклан шогалтеныт. Тиде коллективым 1990 ий марте вуйлатен. Кермыч заводышто тунам 200 утла е‰ пашам ыштен. Кок смена дене пашам ыштен, ямде кермычым район мучко озанлыклашке шупшыктеныт. Тиде кермыч дене больницын, коммунхозын, МСО-н, сельхозхимийын зданийышт-влак чо‰алтыныт… Совет ушем шаланыме дене

пырля чо‰ымо объект-влакат шаланен пытеныт манаш лиеш. Михаил Васильев шаланыше кермыч заводын зданийжым чон коржын онча. Тудыжо ветеранын окнаж гыч коеш. Михаил Юзукаевич илышлан ок єпкелалт. 1961 ийыште пошкудо Ильич ял гыч мотор Татьянам ватылан налын. Вате-марий кок икшывым ончен куштеныт. Игорь эргышт ешыж дене Чорайыште ила, ўдыр ден эргым йол ўмбак шогалтеныт. Володя Нефтекамскыште ила, тудынат кок икшывыже уло.

- Ынде уныкана-влакат ешым погеныт, мыйын вич кугезе уныкам уло, - ойла ветеран. - Чаманаш веле кодеш, пелашем юбилеем марте илен ыш шу, кум ий ончыч мемнам коден каен. Мом ыштет, шкет илаш йєсє, но мый эше икшывем, уныкам да кугезе уныкам-влаклан кўлам.

Венера АГЛЯМОВА.