«Теле жап сайын эрта»

«Теле жап сайын эрта»

Эшым ялысе подсобный озанлыкыште пошкырт урлык имне-влак идалык мучко шала коштыт

Республикын ик «брендшылан» пошкырт имне да пошкырт кумыс шотлалтыт. Пошкырт урлык имньым ончымо шотышто республикыште «Уфимская» государственный заводской конюшня ГБУ ик эн тў‰ верым налын шога. Тиде учрежденийын тў‰ функцийжылан пошкырт урлык имньым арален кодымаш да шукемдымаш, республикысе озанлыклаште нунын урлыкыштым саемдымаш шотлалтыт.

«Уфимская» ГЗК республика мучко подсобный озанлык-влакым куча. Ик тыгай озанлыкше мемнан районышто Эшым ялыште верланен. Тушто 96 имне уло, шым чома вичаште шога.

… Ме ты озанлыкыш кечывал деч вара мийышна. Лач имне-влак шке вичашкышт пєртылыт ыле. Мут толмашеш, ты имне-влак идалык мучко шала коштыт, вет ты урлык имне моткоч кугу чытышан да идалыкын кеч-могай жапыштыжат шкаланышт кочкышым йол йымалныштак муын кертыт.

- Тачысе кечылан 96 имньына уло, ке‰ежым 130 вуйыш шуын ыле. Теле жап сайын эрта, - ойла управляющий Александр Кутлияров. - Йол йымалсе курго деч посна имне-влаклан шудым, шўльым пуэна. Кормам ке‰ежым ситышын ямдыленна. Кормам ямдылаш шкенан пашае‰на-влак деч посна эше «Уфимская» госконюшня гыч пашае‰-влакым полшаш колтеныт ыле.

Имне ферма воктене 1800 рулон шудым орален оптымо. Шке техника улмылан кєра кормам ямдылымаште нелылык лектын огыл, лач игече гына изишак чаракым ышташ тєчен.

Пытартыш ийлаште озанлыкын материально-технический базыже пойдаралтын. Тошто котельный олмеш гаражым чо‰ымо. Тушто ЛТЗ, Т-25, МТЗ-82 трактор-влак шогат. Имне ончышо-влаклан пєртым ыштыме, чара вичам олмыктымо. Теве шукерте огыл гына роторный косилкым налме.

Чара вичам имне ончышо-влак Максим Каматов ден Владимир Байметов, управляющий Александр Кутлияров олмыктеныт. Кызыт конюх-влак отпускышто улыт, нуым жаплан Константин Байзуков вашталтен. Александр Сергеевичын мутшо почеш, тудо шке пашажым сайын шукта.

Алена ГРИГОРЬЕВА.