Таза капыште - таза шўлыш.

Таза капыште - таза шўлыш.

Пытартыш жапыште шуко яллаште тўрло программа почеш тўрлє кўлеш пашам шуктен шогат: корным ачалат, школ вуйым леведыт, йоча модмо плащадка-влакым ыштедылыт. Тыгай пашам шукташ ялысе калык шке оксажым пога. Вара тушко государство шке ужашыжым ешара. Ик тыгай программыже ППМИ манылтеш - программа поддержки местных инициатив. Мемнан районышто тыгай программа почеш тений Корак ялыште обелискым почыч. Кемий ялыште пожарный ДПО-м ачаленыт. Токтар ялыште корно, Ардашыште водопровод ышталтын. Уэшын тиде прогрыммыш кызыт районысо вес ял-влакат ушнаш тунальыч. Монар ялат тыгай сай пашашке ушнаш келшыш.

Мемнан школысо стадионышто тений обрнадзор чыла спортоборудованийым рончен налаш кўштен. Амалже - спортинвентарьын лицензийже уке. Вес тўрлын манаш гын, чыла шке кид дене ыштыме. Тыге Монар школысо тунемше йоча-влак нимо деч посна киен кодыч. А школыштына йоча шагал огыл - тыште Корак ял гыч, Андреевка ял да шкенан Монар ялысе йоча-влак тунемыт. Кугурак ийготан ўдыр-рвезе-влак, школышто урок-влак пытымеке, стадионыш тренировкыш коштыт. Ке‰ежым гын стадионна мўкш омартала гужлен шинча: ола гыч толшо йоча-уныка-влак футбол дене модаш да куржталаш мият. Ача-ава да клклан коча ден кова-влакат ялын эн йєратыме верышкыже эре коштын шогат. Калык тыште спорт деке шўман. Арам огыл вет кундемыштына паралимпийский чемпион Кирилл Михайлов ден Ростислав Павлов шочын кушкыныт. Монар школышто тунемше районыштат, республикыштат да Россий кўкшытыштат эре се‰ышыш лектын шогат. Но оборудований укелан кєра стадионна ынде чара лийын кодо. Тушко коштшо-влакат шагалемаш тў‰алыч.

Тыгай ситуацийым тєрлаш манын, школ директор Роман Ибакович Ибаев ял калык погынымаште ППМИ-шке ушнаш да стадионлан спортивный оборудованийым налаш йодо. Тудо шкежат физкультурник улеш. Сандене умыла: таза капыште - таза шўлыш. Ял калык тудын ойжо дене кумылынкелшыш. Йоча-влак арам перныл коштмо олмеш спорт дене кылым кучат гын, сайрак лиеш. Погынымашым ончыч школышто эртарышна. Вес ганажым Монар клубышто чумыргышна. Районысо представитель-влакат толыныт ыле.

Ме чыланат ўшанен кодына: ик жап гыч мемнан школ стадионыштына у, сай да лицензированный оборудований лиеш да йоча, ача-ава да коча-кова-влак тушко уло кумылын кошташ тў‰алыт. Арам огыл вет кажне е‰ эн ончыч тазалыкым тылана. А тазалыкым шуараш сай вер кўлеш.

И. ЗАХАРОВА, Монар школысо туныктышо да воспитатель.