«Талант шонанпыл - 2018»

«Талант шонанпыл - 2018»

«Талант шонанпыл» районный конкурсын тў‰ задачыже - талант-влакым муаш да вия‰даш

Районысо образований отдел ден «Путник» йоча-юношеский туризм рўдер организоватлыме конкурсышто районысо 22 школ гыч 1-11 класслаште тунемше-влак вокал, хореографий, оратор искусство, музыкальный инструмент номинацийлаште участвоватленыт.

Конкурсышто чылаже 199 хужожественный номерым ончыктеныт. Конкурсант-влакым жюри аклен. Жюри составыште образований отделын методистше Лилия Мустафина, «Путник» йоча-юношеский туризм рўдерын директоржо Вячеслав Князев, тиде рўдерын методистше да преподавательже Ульяна Небогатикова, «Ладушки» йоча образцовый вокальный ансамбльын вуйлатышыже Надежда Иванова лийыныт.

Тиде конкурсышто у шўдыр-влак волгалтыныт: «Оратор искусство» номинацийыште - Алина Салмиярова (2 №-ан Мишкан кыдалаш школ), Диана Андрианова (Йылыш школ), Алиса Иликбаева (Нерге школ), Элина Янситова (Кугу Соказа школ), Кристина Якушева (Тымбай школ); «Хореографий. Эстрадный куштымаш» номинацийыште - «Вегас» ансамбль (Пўнчер школ да Мишкан селасе 1 №-ан лицей), 2 №-ан школын да Ирсай школын ансамбльышт.

«Хореография. Калык куштымаш» номинацийыште Йылыш, Ирсай, Пўнчер школласе ансамбль-влак ойыртемалтыныт. Эстрадный соло дене тўрлє ийготан-влак коклаште вокальный мастарлыкышт дене єрыктареныт: Валерия Шамуратова (Кугу Соказа школ), Максим Андреев ден Вероника Исеметова (Йылыш школ), Василиса Васингина ден Элина Саймулукова (Монар школ), Исадыкова Ангелина ден Кубагишева Аделина (Кемий школ), Шакуров Самат ден Шумаева Карина (1 №-ан лицей), Диана Айдарова, Стасия Ялитова да Виктория Шамыкова (Тымбай школ), Дарья Хамитова (Монар школ), Айнур Хайдаршин (Ленинский школ), Монар, Кугу Соказа, Изи Накаряк, Кемий, Пўнчер, райцентрысе 2 №-ан школ-влакын да 1 №-ан лицейын ансамбльышт.

Калык мурым Каролина Михайлова ден Эделина Васингина (Монар школ), Мария Иванова (Пўнчер школ), Лина Саитгареева (1 №-ан лицей), Ангелина Исадыкова (Кемий школ), Никита Калитов ден А. Байгузина (Кўрзе школ), Ангелина Саликаева (Йылыш школ), Монар школ гыч «Солнышко» да «Березка» ансамбль-влак, Изи Накаряк, Кўрзе школ-влакын ансамбльышт,

Нерге школын «Пеледыш аршаш» ансамбльже, 1 №-ан лицейын да 2 №-ан школын ансамбльышт-влак сайын йо‰галтареныт.

Калык инструмент дене шоктымаште Ардаш школын «Акарт» ансамбльже, струнный инструментым шоктымаште 1 №-ан лицейын «Виола» ансамбльже ойыртемалтыныт.

«Талант шонанпыл» район- ный конкурсын итогшо почеш 11 апрельыште 17.00 шагатыште Культура дворецыште гала-концерт лиеш. Тунемше, туныктышо, ача-ава-влакым да районышто илыше-влакым пагален ўжына.

У. НЕБОГАТИКОВА.