«Талант шонанпыл»

«Талант шонанпыл»

Чорай ялысе Я. Ялкайн лўмеш марий гимназийыште шукерте огыл «Талант шонанпыл – 2018» самырык талант-влак смотр-конкурс эртен. Башкортостан Республик вуйлатыше Рустэм Хамитовын пунчалже почеш 2018 ийлан республикыштына Еш идалык лўмым пуымо. Сандене тиде смотр-конкурс еш тематикылан лўмлалтын.

Конкурсышто 2 – 11 класслаште тунемше-влак участвоватленыт. Сценышке ондак кугурак класслаште тунемше ўдыр-рвезе-влак лектыныт, варажым кыдалаш класс-влак выступатленыт, мучашлан изирак-влак усталыкыштым ончыктеныт.

Кыдалаш классла гыч ончышо-влаклан поснак 7 б классыште тунемше Николай Апкаликов ден 5 классыште тунемше Настя Шакмаеван «Семья» мурым мурымышт келшен. Кумылыштым тыгак 9 классыште тунемше ўдыр-влак мурымо «Ончем - шўдырат огыл», 5 классыште тунемше-влак мурымо такмак-влак савыреныт. 7 а классыште тунемше ўдыр-влак «Чеверынат, чеверын» мурым чоным тарватен муреныт. 7 б классыште тунемше Валентина Сагитова «Посвящение родителям» почеламутым сылнын йо‰галтарен, 10 классыште тунемше Наташа Алексеева «Бывает горьким мед» почеламутым ямлын лудын. 11 классыште тунемше рвезе-влак «Шкет рвезе» мурым муреныт

да ўдыр-влак дене пырля чолга «Тывырдыкым» куштеныт. Куштызо-влаклан гармоньым тиде классыштак тунемше Алексей Гайнутдинов шоктен. 2 классыште тунемше-влак марла куштеныт, «Суксо-влакын куштымашыштым» ончыктеныт да йомартле так-

мак-влакым йогалтареныт. 3 классыште тунемше-влак «Солдатушки, браво ребятушки» мурым муреныт, 4 классыште тунемше-влак «Ош пеледыш» куштымашым куштеныт.

Конкурс «Семья, семья, да здравствует семья!» кумылым савырыше муро дене мучашлалтын.

Л. АЙБАШЕВА.