«Славик сай салтак лийын»

«Славик сай салтак лийын»

Афганистан Республикысе военный действийыште участвоватлыше-влак Кемий ялын шочшыжо, рядовой, разведчик-пулеметчик Вячеслав Муртазинын шўгарышкыже миеныт

Пырля служитлыме йолташыже-влак ынде кокымшо ий почела тудын деке мият. Тений официальный огыл делегацийыште Москва гыч Николай Кулина ден Павел Шипов, Омск гыч Сергей Андриянов, Благовещенск гыч Виктор Зырянов ден Галимьян Шарафеев лийыныт.

Вячеслав Муртазин Афганистанышке служитлаш 1985 ийыште логалын. 1987 ий 22 мартыште Фирах провинцийыште боевой операций годым тушманын икмыняр огневой точкыжым пытарен. Душман-влакын чот лўйкалыме пасушт гоч вончымо годым вуйжо чот сусырген. Сусыргымылан кєра 3 апрельыште колен. Йошкар Шўдыр орден дене наградитлалтын.

Воин-интернационалист-влак лан шогалтыме памятник воктене делегацийым район администраций вуйлатыше Рустам Мусин, Мишкан да Бурай районласе военный комиссар Сергей Васильев, самырык-влакын пашашт шотышто тў‰ спциалист Ольга Биктубаева, Кемий сельсовет СП администраций вуйлатыше Герман Байдимиров, Вячеславын иза-шольыжо-влак Валентин, Леонид да Анатолий, мемнан район гыч афган сарын участникше-влак вашлийыныт.

Палыме лийме да мутланыме деч вара участник-влак воин-интернационалист-влаклан шогалтыме памятник воктеке да Се‰ымаш мемориал деке пеледышым пыштеныт. Варажым рвезе-влак Вячеславын шўгарышкыже миеныт, тудын аваж деке пуреныт. Тудо сарыште колышо эргыжын пырля служитлыме йолташыже-влаклан эргыжым пагален шарнымыштлан кугу таум ойлен да уна-влакым шокшо чай дене сийлен.

«Пеш явык, но весела рвезе ыле… Ту операцийыште мыят участвоватленам. Вет тунам тудо уже дембель ыле, сандене пеш чот неле, тудым эре шарнен илем», - шольыж деке шарнымашым колтен Константин Гурьев.

«Славик сай салтак ыле. Шке пашажым сайын шуктен. Ме йўдым Зармардан кишлак могырыш кайышна. Ик йўдлан 30 километрым эртышна, оружий да чумыр амуниций дене лийынна. Кажне салтак иктаж 40 килограмм нелгытым нумалын. Эрдене, волгалтме жаплан ме курык тўрыш толын шуна.

Дух-влак мемнан деч кўшнє лийыныт. Мый господствующий кўкшакам налаш командым пуышым. Группа задачым шуктен. Тиде группышто Слава лийын. Вара пўтынь взвод тиде кўкшакаште йыр обороным налын. Слава эскерыше лийын, мо ышталтмым йырым-йыр эскерен шоген. Снайпер тудым ужын шуктен да кумшо пуля дене вуйышкыжо логалтен. Тудо эше лу кече илен, вара шодыжо пуалме дене колен. Пуля вуйым вошт шўтен лектын, кок шинчажымат пытарен. Тудлан ты колымаш, сокыр инвалид лийын кодмо деч сайрак лийын, очыни. Проститлыза мыйым тыге ойлымемлан. Проститлыза, мый тудым арален шым керт…, - шарналта взвод командир Игорь Назаренко.

Вячеславын колымыжлан 30 ий утла эртен… Тудын деке толшо рвезе-влакым ончен, кугешнен шоналтет, ятыр лу ий эртен гынат, йолташыштым огыт мондо - теве кушто улыт чын йолташ-влак!.

О. БИКТУБАЕВА.