«Шонымашна шукталтын»

«Шонымашна шукталтын»

Новотроицкий сельсовет сельский поселенийыште илыше-влак шке кўлешыштлан куатле К-700 тракторым налыныт

Ончыч озанлык кєргыштє улшо чыла проблемым колхоз ден совхоз-влак шке вийышт дене решатленыт: корным ыштеныт, телым уремлам да ялла кокласе корнылам эрыктеныт, э‰ерлам пўяленыт, водопроводым шупшыныт, колхоз электрик-влак изи напряжениян электропередача линийым обслуживателныт. А таче тыгай пашалам верысе администраций шке вийже дене гына шуктен ок керт.

Новотроицкий сельсовет сельский поселенийыште илыше-влак чыла тидым сайын палат, сандене ик погынымаште сельсоветысе яллаште теле жапыште корным эрыктыме йодышым тарватеныт. Новотроицкий ялыште урем-влак «шала» улыт. А ялыште утларакшым пенсионер да пенсий ийготыш шушаш е‰-влак илат. Кодшо телым поранан игече годым уремлаште корно чўчкыдын петыралтын. КФХ вуйлатыше Михаил Белоусов шке тракторжо дене кертмыж семын корным эрыкташ тыршен, но пўртўсын вийже ваштареш шогалаш чылаж годымак вийже ситен огыл. Тидлан утларак кугу куатан техника кўлын.

Илышыште вучыдымо томаша-влак чўчкыдын лийыт. Пожар лектеш гын, «Вашке полышым» ўжан перна гын… Кевытлашке, школыш кочкыш сатум чылаж годым кондаш лийын огыл. Ял калыклан тунам шўгарла деке каяш эн кугу проблема лийын. Шўгарла ял деч тораште верланен да пасу корным лум чот петырен. Чыла тыгай нелылыкым кора‰дышашлан, ял калык инициативым шке кидышкыже налын да сельский поселенийлан куатле тракторым налаш пунчалын. Сельский поселений вуйлатыше Л. Чухнина ден муниципальный район советын 1 №-ан округысо депутат М. Белоусов район администраций вуйлатыше Р. Мусин дене вашлийыныт. Тудо ты инициативым сайлан шотлен.

Варажым ялысе активист-влак вик пашалан пижыныт - кажне сурт гыч 2000 те‰ге дене оксам погаш тў‰алыныт. Кє вик пуэн кертын огыл, нунын олмеш КФХ вуйлатыше А. Чечулин оксам пыштен. Верысе бюджет гычат изиш оксам ойырымо. Варажым келшыше техникым кычалаш тў‰алыныт. Тудым Аскиныште муыныт. Кодшо ий мучаште погрузчикан К-700 тракторым конденыт.

- Техника у огыл, но пашам ышта. Кок арня жапыште верысе мастар-влак тракторлан лопаткым ыштен шуктышт, - ойла Новотроицкий сельсовет СП администраций вуйлатыше Людмила Сергеевна. - Мемнан шонымашна шукталте. Ынде ме телым корно деч посна огына код. Сельский поселений администраций лўм дене ты суапле пашашке ушнышо кажне е‰лан таум каласем.

Ынде шкенан тракторна уло. Телым корным эрыктыме деч посна моло проблемыламат решатлен кертына. Ке‰ежым корным шымарташ єрдыж гыч тракторым тарлышаш ок лий, э‰ерым пўялаш, свалка йырым авыраш да моло сомылым шукташат шкенан вийна ситышаш.

Оксам погымо паша умбакыже шуйна. Порысым пєртылтыман. Ончыкыжым ял калык тракторым шогалташ гаражым ышташ да пожарный безопасностьлан куснылшо емкостьым налаш шона…

Алена ГРИГОРЬЕВА.