Шочмо йылмым она мондо

Шочмо йылмым она мондо

«Мемнан вожна. Фольклорым лудына» всероссийский акций кышкарыште Ирсай ялысе библиотекыште «Шочмо йылмын юзо вийже» литературно-музыкальный касым эртарыме.

Тиде кечын библиотекышке уна семын А. Искандаров лўмеш школышто 6 классыште тунемше-влак ден марий йылме да литературым туныктышо Янина Ишалина толыныт. Мероприятий вашеш библитекыште «Йылме калыкын чонжо» выставкым ямдылыме.

Тушто лўмлє землякна-влакын творчествышт нерген книга-влак да верысе уста кидпашазе В. Ишмурзина ден А. Андриянован кидпашашт верланеныт. Чаманаш кодеш, кызытсе саманыште ялыштат ятыр йоча шочмо йылмыж дене огеш мутлане. Тидлан кєра тиде кечын ача-ава-влаклан шочмо йылме дене ойласаш кўлмє нерген ятыр ойлымо да йоча-влакым марла утларак кутыраш кумыла‰даш тыршыме.

Йоча-влак мероприятийыште ожсо тушто-влакым туштеныт, калык кочкыш-влакым шарналтеныт, калыкмутым ойленыт. Педагогический пашан ветеранже, ўдырамаш советын членже А. Русиева марий калык вургем кунам да кузе шочмо, «Мемнан вожна» изи музейлан, а

тушто ожсо ятыр марий вургем аралалтеш, негызым пыштыме, кадем годсо калык арвер-влак дене палдарен. 6 классыште тунемше-влак

Милана Изибаева, Ангелина Салиева, «Ювий» фольклор ансамбльын участницыже-влак В. Аптиева, А. Русиева шочмо йылме дене почеламут-влакым лудыныт. Тылеч вара йоча-влакым землякна Эсен Элайын (В. Камилянов) «Ия сўан» йомакше дене палдарыме.

Мероприятийым шкенжын выступленийже дене «Ювий» фольклор ансамбль сєрастарен. Нуно В. Камилянов возымо «Шочмо ялем» да «Олян гына» Урал марий мурым сылнын йо‰галтареныт.

А. АЙКАШЕВА.