Шочмо кундемым шымлена

Шочмо кундемым шымлена

«Отечество» всероссийский программа «Путник» йоча-юношеский туризм рўдерыште йоча да самырык-влак дене туристско-краеведческий пашан негызше улеш.

Тений «Отечествын корныж дене» краеведческий шымлыме паша конкурсын районный этапше декабрь тылзыште эртен. Тушто

районысо образовательный учрежденийла гыч самырык шымлызына-влак 20 паша дене палдареныт.

29 мартыште Уфа олаште «Отечество» туристско-краеведческий движенийын тунемшыже-влакын краеведческий шымлымаш пашашт всероссийский конкурсын республиканский этапше эртен.

Мишкан район гыч очный этапышке Виктория Ашиева (Кемий ялысе школ, вуйлатышыже – ешартыш образованийын педагогшо В. Апсатаров), Алишер Шарипов (Мишкан селасе 1 №-ан лицей, А. Шайдуллина), Софья Шамратова, Дарья Александрова (2 №-ан Мишкан кыдалаш школ, В. Адыева), Анастасия Ишмурзина да Азалия Фазхриева (2 №-ан Мишкан кыдалаш школ, О. Небогатикова) ўжылтыныт.

Жюри нунын пашаштым кўкшын аклен. «Земляк-влак» номинацийыште Д. Александрова II степенян диплом дене палемдалтын, «Литературный краеведений. Топонимика» номинацийыште тыгаяк диплом дене А. Ишмурзина ден А. Фахриевам (коктын ик пашам возеныт) палемдыме, тиде номинацийыштак III степенян диплом дене - В. Ашиевам. III степенян диплом дене тыгак «Йоча движенийын историйже. Образованийын историйже» номинацийыште А. Шарипов да «Этнографий» номинацийыште С. Шамратова палемдалтыныт.

У. НЕБОГАТИКОВА, «Путник» йоча-юношеский туризм рўдерын методистше.