Шинчымашым тергаш ямде улыт

Шинчымашым тергаш ямде улыт

Школын выпускникше-влак ЕГЭ-м сдатлаш ямдылалтыт

Единый государственный экзаменлан ямдылалтме паша тунемме ий тў‰алтыш гычак мия. ЕГЭ-лан ямдылалтме да тудым эртарыме шотышто пашазе группым чумырымо, тўрлє мероприятий-влак организоватлалтыныт. Тидын нерген районысо образований отдел вуйлатыше Сергей Александров дене вашлийын мутланышна.

- Единый государственный экзамен ласкан да нимогай ситыдымаш деч посна эртыже манын, образований отдел шуко пашам ыштен - информационный стенд оформитлалтын, мемнан сайтыштына тийышле информаций вера‰далтын, верлашке лектын ача-ава-влак погынымашлам эртарыме. Тушто выпускник-влак ден ача-авашт-влаклан 2018 ийыште ЕГЭ-м сдатлыме радам дене палдарыме. 26 февральыште Мишкан селасе Ф. Буляков лўмеш 1 №-ан лицейыште «Единый день сдачи ЕГЭ с родителями» модыш сынан ача-ава-влак погынымаш эртен.

- ЕГЭ-м эртарыме годым кажне ийын могай-гынат у вашталтышым пуртат. Теният тыгай вашталтыш-влак улыт?

- 2018 ийыште ЕГЭ-м эртарыме радам чотак вашталтын. Ончычсо ийлаште КИМ-ым районышко экзамен кечын спецсвязь дене конденыт. Тений ППЭ технологичный, вес семын ойлаш гын, КИМ-ым аудиторийлаште печатлат да бланкым ППЭ штабыште сканироватлат.

- Телефоным, фотоаппаратым пурташ ончычсо семынак ок лий?

- 2014 ий гыч кеч-могай гаджетым, телефоным, фотоаппаратым кучылташ йєршын чарыме. Нунын улмыштым металлоискатель-рамка текшыра, а тудыжым ППЭ-ш пурымаште вера‰дат. А туалет-влак воктене подвижной связьым темдалме, «глушилка» маныт, средства-влакым шындат (Роскомнадзорышко ППЭ-ште радиосигналым блокироватлыме средства-влакым регистрироватлыме нерген свидетельствым налаш йодмашым пуымо). Тыгай свидетельство ок лий гын, экзаменым аннулироватлен кертыт. Чыла аудиторийыште, ППЭ

вуйлатышын штабыште видеокамера-влак шындалтыныт. Экзамен деч ончыч нуно текшыралтыт, ик пусакат ужылтде ок код.

- Тренировочный тестирований эртаралтын мо?

- Конешне. Мартыште да апрельыште математика да руш йылме (базовый да профильный кўкшыт), химий, биологий, физика дене тренировочный тестирований-влак эртеныт. Шошо каникул жапыште выпускник-влак кечывалым лийме рўдерлаште ЕГЭ-лан ямдылалтыныт.

- Экзаменым эртарымыланат ямдылалтман, очыни.

- Конешне. Региональный информационный системым ыштымаште пеш кугу паша шукталтын. Выпускник-влак, организатор-влак, технический специалист-влак, экзамен шотышто ГЭК-ын членже-влак шеледалтыныт. ЕГЭ-н кажне участникшылан (аудиторийыште да коридорышто улшо организаторлан, технический специалистлан, общественный наблюдательлан, ГЭК член-влаклан) онлайн туныктымашым эртараш палемдыме.

Выпускник ден нунын ачаавашт-влак ЕГЭ-м эртарыме правил-влак дене палыме лийыныт. Нормативный документаций тўрыснек ямдылалтын. ЕГЭ-н участникше, ача-ава-влаклан Рособрнадзор брошюра-влакым ямдылен, нуно информационный стендлаште вера‰далтыныт.

- Тений экзамен кунам тў‰алеш?

- Икымше экзаменым мемнан выпускникна-влак 28 майыште сдатлат.

- Выпускник-влакым ЕГЭ-лан морально ямдылалташ мо ышталтеш?

- Кажне арнян Образований министерство, Обрнадзор туныктымо веб-конференцийым, дистанционный туныктымашым эртарат. Выпускник-влак шке ончылно шогышо задачыштым сайын палат, сандене экзаменым сайын сдатлат манын, пе‰гыдын ўшанена.

Фирдаус КАДИКОВА мутланен.