Шєртньє сўаныштым палемденыт

Шєртньє сўаныштым палемденыт

Монар ялыште илыше вате-марий Михайловмыт витле ий пырля илат

Районыштына витле да утларак ий пырля илыше мужыр-влакым жаплымаш поро йўлашке савырнен. Мария Яметовна ден Андрей Микайдарович Михайловмытымат мондымо огыл.

Нуным саламлаш Мишкан район МР администраций вуйлатышын кадр да социальный йодыш-влак шотышто заместительже Л. Александрова, Мишкан районысо сарын, пашан, Вооруженный Вийын да законым аралыше органын ветеранже-влак совет председатель

Ю. Балахнина миеныт.

- Тендан шўм-чондам ваш пагалымаш, йєратымаш да келшымаш ушен шогат, - тў‰алын салам шомакшым Л. Александрова. – Те пе‰гыде да пиалан ешым чумырен кертында. Тендан юбилейда тыланда да лишыл е‰да-влаклан ятыр куаным конда да самырык-влаклан сай пример улеш.

Лариса Геннадиевна юбиляр-влаклан Башкортостан Республик вуйлатыше Р. Хамитов да Мишкан район МР администраций вуйлатыше Р. Мусин лўм дене возымо салам серыш-влакым кучыктен. Саламлымашке районысо ветеран-влак совет председатель Ю. Балахнина ден Монар сельсовет сельский поселений администрацийын дела управляющийже Ю. Якитова ушненыт.

- Кужу ўмырым пырля илымаш – кугу пиал да куштылго огыл паша, - каласен Юлия Григорьевна. – Районыштына тыгай пе‰гыде еш-влак улылык куандара. Тендан ешда самырык-влакым йўлам арален, икте-весым пагален, икшыве-влак верч тыршен илаш кумыла‰да.

- Сўанна те‰гече веле лиймыла чучеш, пуйто витле ийым илалтынат огыл, - чон вургыжын ойла еш вуй Андрей Микайдарович. - Ме, пашам да тўрлє сомылым ыштен, тыняр ий пырля илымынам шижынат огынал.

- Икте-весынам изина годсекак паленна, - ушна мутланымашке Мария Яметовна. – Школышто тунемме жап гычак та‰ лийынна. Мый тудым армийыш ужатенам, пєртылмыжым вученам да вучен шуктенам. Моло самырык-влак семынак, икте-весына дене вашлиялтынна,

вашлиймына еда мыйым ужатен... А ик жап гыч ямле, ялыштына икымше комсомол сўаным ыштенна.

Юбиляр-влакын мутышт почеш, витле ий шижде эртен. Илышыштышт нелылык ситышын лийын гынат, вате ден марий сай татым гына шарнен илаш тыршат. Вет нуно, икте-весыштлан э‰ертен, чыла нелылыкымат се‰еныт.

Михайловмыт ўмырышт мучко пашам ыштен иленыт. Андрей Микайдарович, школым пытарымеке, ондак трактористлан, варажым военкомат гыч направлений почеш ДОСААФ-ыште водительлан тунемын да ўмыржє мучко шофер лийын ыштен. Мария Яметовна ондак школышто техничка лийын ыштен, варажым продавец лийын, кулинарлан тунемын да Монар ялысе кулинарный цехыште тыршен. Тудын кўэштме мўян пўкштуш ден перемеч-влакым Корак да Андреевка ялласе калык тыманмеш налын пытарен.

Михайловмыт поян улыт. Вет нунын вич икшывышт ден латкум уныкашт уло. Валентина, Валентин, Алена, Владимир да Кирилл икшывышт нунылан лач тынаре уныкам пєлекленыт. Залыште нунын чылаштынат фотографийышт кеча. Вате ден марий поснак Кирилл эргышт дене кугешнен илат. Вет тудо Россий спортын мастерже да Паралимпийский чемпион улеш – элнам тўнямбал мучко чапландарен.

- Икшывына-влак мемнан корнына дене ошкылыныт. Вет меат самырыкна годым ече дене куржталынна, - ойла Андрей Микайдарович. – Мишканышке та‰асымашке ече дене Петропавловка, Брюховка, Ленинский да Восток ялла гоч коштынна, а варажым тыгак мє‰геш пєртылынна. Ача-авалан эн кугу куан – икшыве-влакын се‰ымашышт. Кирилл кеч-кушто выступатлен гынат, тудын верч пеш тургыжланенна, йўдвошт дене мален кертын огынал. Медаль-влак дене пєртылмекыже, мом ышташат єрынна – чонна тунаре чот

вургыжын!

Кызыт вате ден марий Михайловмыт пенсийыште улыт, но суртыштышт яра огыт шинче. Озанлыкыштышт тыршат, кертмышт семын, паша але ка‰аш дене икшывышт ден уныкашт-влаклан полшат.

Каныш кече еда нунын унала толмыштым вучат.

Алена ГРИГОРЬЕВА.