«Шўм-чон поэзий»

«Шўм-чон поэзий»

Арзамат ялышке мийымеке, мый ондак Сарбика ден Валентин Ишмурзинмыт ешыш пуренам. Валентин ожно Арзамат отделенийыште управляющий, «Рефанде» совхоз профком председатель лийын, Сарбика «Эрвел» куштышо калык ансамбльыште куштен. Вате ден марий ныл эргым ончен куштеныт, суртыштышт эре арулык озалана.

Поэтический кас библиотекыште эртен. Тушко ошкылмем годым ваштарешем толшо тунемше-влакым вашлийынам. Нуно чыланат воктечем саламлалтын эртеныт. Тиде моткоч куандарен да кумылым савырен. Библиотекыште тўрлє ийготан да тўрлє пашам ыштыше е‰-влак погыненыт. Но нуным чылаштымат поэзий ден музыкым йєратымаш ушен шоген.

Тыште мый Чорай кыдалаш школым пытарыше ончычсо тунемшем-влакым вашлийынам: педагогический пашан ветеранже Людмила Ашиева-Апсаликовам (Чорайыште шочын-кушкын, Изи Накаряк ялысе школышто ыштен), Ольга Накаряковам (Кульчубайыште шочын-кушкын, Арзамат ялысе школышто ыштен). Нуно шуко икшыван, пашам йєратыше ешыште кушкыныт. Людмила Ашиева-Апсаликова Р. Ялаеван «А иначе зачем на земле мы живем» книгаж нерген ойлен, посна верым «Спасибо, мама» ойлымашлан ойырен.

Мария Гареева марлан лекмыж деч ончыч Арзамат ялысе школышто ыштен. Кызыт тудо Нерге ялыште ила, пенсийыште улеш. Нерге ялысе «™жара» фольклор калык ансамбльыште мура, мер илышыште чолган участвоватла, калык ойпогым пога. Шукерте огыл «Нерге вел такмак-влак» сборникым луктын, тушко 455 кўчык лудыш мурым - такмакым чумырен. Пайремым тудо йомартле такмак-влак дене сєрастарен. «™жара» ансамбльын вес участницыже Дина Александрова уна, сўан, пайрем, ўдыр муро-влакым поген да 2013 ийыште «Мондалт толшо такмак-влак» сборникым луктын.

Пайремышке тыгак Озерка ялын ик эн кумдан палыме эргыже, самодеятельный поэт, композитор да мурызо Константин Зайнетдинов толын. Константин тиде кечын шукерте огыл возымо «Арзамат» мурыжым йо‰галтарен. Мурыжо да музиканым устан шоктымыжо погынышо-влаклан чылаштланат моткоч келшеныт.

Марина Пашкина Арзамат ялысе школым 20 наре ий ончыч пытарен. Тудым уста туныктышо Зинаида Изибаевна Александрова туныктен да сылнымутым йєраташ кумыла‰ден. Марина марлат, рушлат сылне почеламут-влакым воза. Школышто тунеммыж годым марий йылме дене республиканский сочинений конкурслаште икана огыл се‰ышыш лектын. Сандене Маринан аваже – Наталья Пашкина дене вашлиймаш мылам кугу куаным конден. Ме тудын дене ятыр ойласенна. Поэзий касыште тыгак поэтесса Лариса Яндимирова нерген мутланыме. Ке‰ежым тудын «Арзамат – мыйын шочмо ялем» почеламут сборникше лектын.

Кызыт кокымшо сборникым лукташ ямдыла. Ялысе библиотекарь Снежана Муллашеван поэзий касын устан организоватлымыжлан кєра, тудет о‰ай пайремыш савырнен. Мероприятийым эртараш спонсор полышым магазиныште пашам ыштыше Лариса Яндимирова ончыктен. Уна-влак чыланат марий вургемым чиен миеныт. Пайрем чай йўшмаш дене пытен. Тудын участникше ден организаторжо-влаклан, тыгак Алкиевмыт ден Ишмурзинмытлан чон гыч лекше тау мутым ойлем.

Р. ЯЛАЕВА.